+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

Бақытжан Сағынтаев: Қиын жағдайда ауызбіршілік болғаны жақсы

2019 жылғы 14 тамыз 14:20
Бөлісіңіз:
Бақытжан Сағынтаев: Қиын жағдайда ауызбіршілік болғаны жақсы

АЛМАТЫ. ҚазАқпарат – Алматы әкімі Бақытжан Сағынтаев сел қаупіне байланысты үн қосқан халыққа алғыс айтты, деп хабарлайды ҚазАқпарат тілшісі.

Ұқсас жаңалықтар
Қазақстандағы су қоймаларының иелеріне бірыңғай талап бекітілмек Кениядағы алапат көшкін: 36 адам құрбан болды Желіде Англиядағы алапат су тасқынының видеосы жарияланды

«Таңертең ҚР ІІМ хабарласып, егер қиын жағдай болатын болса, халықты көшіру керек деген ой болды. 2015 жылғыдай өзен арнасынан тасып, тастар мен лайлы су ағатын болса, тазалау керек болады деп Ұзынағаштан қосымша әскери күштер шақырттық. Сарбаздар, Ұлттық ұлан сарбаздары күректерін ұстап сақадай сай тұр. Халық алаңдап жазып жатыр. Еріктілер алаңдаулы. Қандай көмек жасайық, не істейік деп жатыр. Осындай қиын жағдайда ауызбіршілік болғаны жақсы. Алматылықтар осы ауызбіршіліктің үлгісін көрсетіп жатыр. Мың да бір рахмет бәріне. Әзірге мамандар өздері атқарып жатыр», - деді Бақытжан Сағынтаев.


Қала әкімі халықпен сұхбаттан ешқашан қашпайтынын жеткізді.

«Мен әр кезде ашықпын. Кездесуден қашу, диалогтан қашу деген жоқ. Ұсыныстарыңыз болса айтып, әлеуметтік желіде аккаунтқа жазып отырыңыздар. Оның бәрі оқылып жатыр. Жүйе-жүйеге бөлініп, тапсырма беріліп, қаралып жатыр. Айтылған сөздің бәрі бос кетіп жатыр деп ойламаңыздар. Қаланың дамуына өркендеуіне, аудандардағы кейбір кемшіліктерін көрмей жатқан жерді көз жеткізіп айтып отыруға ол да жақсы. Әкімдерге ашық алаң орнатып апта сайын кездесу тапсырылған», - деді әкім.


Айта кету керек, бүгін Алматыда Наурызбай ауданында аз мөлшерде сел жүрген болатын. ТЖД өкілдері халықты құлақтандырып үлгерді.

Қала әкімі Бақытжан Сағынтаев оқиға орнына шұғыл аттанды.

ТЖД Қарғалы өзеніндегі ахуал туралы баяндады. Мамандардың айтуынша, алаңдауға еш негіз жоқ.


Біздің каналымызға жазылыңыз:

Басты сөздер: Алматы, Әкім, Су тасқыны,
Бөлісіңіз:

Автор:

Гүлмира Ғосманәли

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Жанат Қапалбаева
Жанат Қапалбаева
954-059

MURAǴAT