Бақытжан Сағынтаев «Бәйтерек» ҰБХ» АҚ Директорлар кеңесінің отырысын өткізді

АСТАНА. ҚазАқпарат - Бүгін Үкімет үйінде ҚР Премьер-Министрі Бақытжан Сағынтаев «Бәйтерек» Ұлттық басқарушы холдингі» акционерлік қоғамының Директорлар кеңесінің отырысын өткізді.

Бұл туралы primeminister.kz сайтынан хабарланды.

Кеңес барысында 2014-2018 жылдарға арналған Даму жоспарын іске асыру барысы және 2014-2023 жылдарға арналған Даму стратегиясы мәселелері талқыланды. Бұдан өзге, ЭЫДҰ ұсынымдарын ескере отырып, Іскерлік әдеп кодексіне және жаңа Корпоративтік басқару кодексінің жобасына өзгерістер қаралды.