Бақытжан Сағынтаев Алматының аудандарын аралап шықты

АЛМАТЫ. ҚазАқпарат - Алматы әкімі Бақытжан Сағынтаев қала аудандарын аралап көрді, деп хабарлайды ҚазАқпарат тілшісі.

«Аудандарды аралауды бастадым. Бүгін Түрксіб ауданында болдым. Тұрғын үй-коммуналдық шаруашылық, аулаларды абаттандыру, балалар алаңын жасау бойынша проблема көп. Адамдар жолдың нашарлығы туралы көп шағым айтады. Аудан әкімі Павел Кулагинге шағымдарды қарап шығып, жаңа жоспар құруды тапсырдым», - деп жазды Бақытжан Сағынтаев.