+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

«Бақытты отбасы» көпбалалы аналардың іскерлік белсенділігінің орталығына айналды - Сағынтаев

2020 жылғы 29 қазан 12:19
Бөлісіңіз:
«Бақытты отбасы» көпбалалы аналардың іскерлік белсенділігінің орталығына айналды - Сағынтаев

АЛМАТЫ. ҚазАқпарат - Алматы әкімі Бақытжан Сағынтаев өмірлік қиын жағдайға тап болған әйелдерді әлеуметтік қолдау орталықтарының өзгертетіні туралы айтты, деп хабарлайды ҚазАқпарат тілшісі.

Ұқсас жаңалықтар
Хоккей: «Барыс» екінші ойын қатарынан жеңіске жетті 1 желтоқсан. Туған күн иелері Түркістан облысында карантин шаралары жеңілдетіле бастады

Әкім Instagram парақшасында былтыр әр ауданда «Бақытты отбасы» әлеуметтік қолдау орталықтарын ашу басты мақсат болғанын еске салды. Мұнда әйелдер арасындағы кәсіпкерлікті дамытуға баса назар аударылды. Іс жүзінде олар көпбалалы аналарға арналған іскерлік белсенділіктің орталығына айналуы тиіс болды.

«Isker Ana бағдарламасы бойынша бизнес дағдыларына үйретуді бастап, инновациялық жобаларды іске қосу үшін гранттар ұсындық. Ақмарал Басирова құрған Алатау ауданының «Бақытты отбасы» орталығы бір жылдың ішінде Алматының өзге аудандары үшін ғана емес, еліміздің басқа өңірлері үшін де үлгі бола білді», - деп жазды Б. Сағынтаев.


Оның айтуы бойынша мұнда әйелдерге тек кеңес беріліп қана қоймайды. Қиын жағдайға тап болған әйелдердің өздеріне қайта сенуіне, өздеріне ұнайтын нәрсені таңдап, өмір салтын толығымен өзгертулеріне көмектеседі. Аналар өз мысалында балаларға өз еңбегімен ақша табуға болатынын көрсетеді. Күн сайын мұнда 150-ге жуық әйел келеді. Бір жылдың ішінде 25 мың әйел 31 бағыт бойынша түрлі курстарда білім алды.

Алматы әкімі бір жыл бұрын орталыққа бапкер ретінде келген Мөлдір Жүнісбекованың өмірін мысалға келтірді. Ол 500-ге жуық әйелді оқытса, соның 200-і бүгін жұмыс тапты. Тіпті олар жаңа жұмыс орындарын құруда.

«БЖК-2025» бойынша 2,5 млн теңге көлемінде грантқа ие болған Мөлдір 10 әйел еңбек ете алатын тігін цехына арналған жабдықты сатып алды.


Биыл жыл басынан бері Алатау ауданының «Бақытты отбасы» орталығында 27 мың әйелге «Іскер ана» бағдарламасы бойынша ақпараттық-консультациялық-ресурстық қолдау көрсетілді. Тренингтер мен курстарда 25 мың адам оқыды.

Сонымен қатар, «Бизнес Бастау» бағдарламасы бойынша 537 әйел білімдерін жетілдірді. Олардың 300-і грант алып, киім жөндеу, кондитер, шаштараз, маникюр салондарын ашты, балалардың даму кітаптарын жасап, автокөлік мұқабаларын тігіп және басқа да салалар бойынша өздерінің кәсіптерін бастады.

Екі әйел «Бизнестің жол картасы-2025» аясында инновациялық жобаларды іске асыруға 2-ден 5 миллион теңгеге дейін мемлекеттік грант алды. Өндіріс шеберханаларын ашу үшін алаңдар беріліп, ал өнімдерін сату үшін базарлардан 50-ге жуық орын бөлінген.


Біздің каналымызға жазылыңыз:

Бөлісіңіз:

Автор:

Гүлмира Ғосманәли

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT