Қолданушы баптаулары
Қолданушы баптаулары
+7 (701) 759 90 19 Лента
USD 377.62 EUR 426.03
RUB 5.67 CNY 55.78
Jańalyqtar

Бақытты бірде-бір миллиардер көрмедім - Нұрсұлтан Назарбаев

2019 жылғы 13 ақпан 19:08 390
Бөлісіңіз:
Бақытты бірде-бір миллиардер көрмедім - Нұрсұлтан Назарбаев

АСТАНА. ҚазАқпарат - Еңбегіңмен тапқан табыс қана бақытқа жеткізеді. Бүгін «Қазақстанның 100 жаңа есімі» жеңімпаздарымен кездесуі барысында  Елбасы Нұрсұлтан Назарбаев осылай айтты, деп хабарлайды ҚазАқпарат тілшісі.

Ұқсас жаңалықтар
«100 жаңа есім»: Табысқа жетудің құпиясы неде? Президент саясаттың негізгі бағытын атады

«Жұмысты ең көп істейтін ұлт - Оңтүстік Корея. Баланы 5 жасқа дейін тәрбиелеу керек, одан кейін пайдасыз. Оны қоғам, балабақша, мектеп тәрбиелейді. Олар 5 жасқа дейін тиіспейді, ұрмайды. Ал одан кейін сөмкесін арқалап, өмір бойы таңертеңнен кешке дейін жүреді. Жапондар да, корейлер де солай жұмыс істейді және «егер сен ана университетке түсе алмасаң, нашар өмір сүретін боласың» деп айтады. Мақсатты миына сіңіріп алғаннан кейін онымен күні-түні айналысады. Солай білімді, ең көп жұмыс істейтін ұлтқа айналды. Яғни, еңбектің арқасында», - деді Президент.

Мемлекет басшысы еңбексіз жеткен табыс бақыт болып саналмайтындығын баса айтты.

«Бай ата-анадан мұра алуға болады. Бірақ, ол береке болмайды. Өмірде көрген, тәжірибелі адам ретінде айтайын, 10-20 млрд ақшасы бола тұра бақытты болған бірде-бір миллиардер көрмедім. Өзіне-өзі қол жұмсаған немесе түрмедегі миллиардерлердің тізімін де келтіре аламын. Бұл қаражат сені бақытты жасайтындай көрінуі мүмкін. Бірақ өз еңбегіңмен тапқан табыс сені бақытты қылады. Сондықтан көбірек армандаңдар. Сендерге табыс тілеймін. Мына мемлекет, менің құрдастарым, біздің буын құрған мемлекет сендер үшін, балаларың мен немерелерің үшін», - деді Н.Назарбаев.

 

 

Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059
MURAǴAT