Бақыт Сұлтанов «Нұр Отан» партиясының Астана филиалына төраға болып сайланды
2018 жылғы 20 қыркүйек 15:21

Бақыт Сұлтанов «Нұр Отан» партиясының Астана филиалына төраға болып сайланды

АСТАНА. ҚазАқпарат - «Нұр Отан» партиясы Астана қалалық филиалының кезектен тыс XXVI конференциясында филиалдың жаңа төрағасы сайланды, деп хабарлайды ҚазАқпарат тілшісі.

Делегаттар бұл қызметке Астана қаласының әкімі Бақыт Сұлтановты тағайындау туралы ұсынысты бірауыздан қолдады.

«Исекешев Әсет Өрентайұлы басқа жұмысқа ауысуына байланысты «Нұр Отан» партиясы Астана қалалық филиалының төрағасы қызметінен босатылып, Астана қаласының әкімі Сұлтанов Бақыт Тұрлыханұлы «Нұр Отан» партиясы Астана қалалық филиалының төрағасы қызметіне тағайындалсын», - делінген конференция қаулысында.

Сондай-ақ, жаңа әкім арнайы қаулымен «Нұр Отан» партиясы Астана қалалық филиалының Саяси кеңес құрамына қосылды.

«Бақыт Тұрлыханұлының мемлекеттік қызметте тәжірибесі мол. Түрлі лауазымдарда қызмет етті. Енді міне, Мемлекет басшысының тапсырмасымен әкім болып тағайыдалды. Бұл үлкен сенімді білдіреді. Өзімнің және әріптестерімнің атынан Бақыт Сұлтановты астаналық филиалға - партияның ең үлгілі филиалына төрағалыққа келуімен құттықтаймын», - деді «Нұр Отан» партиясы төрағасының бірінші орынбасары Мәулен Әшімбаев.

Серіктестер жаңалықтары

Jańalyqtar

Үрдіс

MURAǴAT