+7 (701) 759 90 19
USD 376.16 EUR 406.18
RUB 5.90 CNY 53.60
Jańalyqtar

Бақыт Сұлтанов Францияға экспорт үшін жарты миллиард доллардың тауарлар тізбесін ұсынды

2020 жылғы 21 қаңтар 16:20
Бөлісіңіз:
Бақыт Сұлтанов Францияға экспорт үшін жарты миллиард доллардың тауарлар тізбесін ұсынды

НҰР-СҰЛТАН. ҚазАқпарат – ҚР Сауда және интеграция министрі Бақыт Сұлтанов Парижде Еуропа және Сыртқы істер министрлігі жанындағы Мемлекеттік хатшы Жан-Батист Лемуанмен кездесті, деп хабарлайды ҚазАқпарат министрдің Facebook-парақшасына сілтеме жасап.

Ұқсас жаңалықтар
Жамбылда құны 114 миллиард теңге болатын 18 инвестициялық жоба іске асады Алматыны дамытуға бағытталған ұзақ және орта мерзімді құжат әзірленді 2025 жылға қарай пошта жөнелтімдерін реттейтін орталықтар саны жиырмаға жуықтайды

«Парижде Еуропа және Сыртқы істер министрлігі жанындағы Мемлекеттік хатшысы Жан-Батист Лемуанмен кездестім. Ол Үкіметтің сауда мәселесіне жауап беретін мүшесі, сауда-экономикалық ынтымақтастық жөніндегі Француз-Қазақстан үкіметаралық комиссиясының тең төрағасы болып табылады. Біз маусым айында Нұр-Сұлтан қаласында өтетін ДСҰ-ның министрлік конференциясына дайындық барысын талқыладық.

Франция бұл кездесуге үлкен үміт артып отыр. Сауда-саттықтағы бәсекелестік және протекционизм бірыңғай жана-жақты әлемдік сауда қағидалары үшін барынша қатерлі, сондай-ақ қазіргі жағдайда даму үшін серпін беру қажет деген ортақ пікірге келдік. Сауда-экономикалық қатынастарды дамыту жайын талқыладық. 2019 жылдың 11 айында Қазақстан мен Франция арасындағы тауар айналымы 4 млрд. долларды құрады. Францияға қазақстандық экспорттың 1% өскенін атап өтеміз. Біз Парижге шикі мұнай, уран, катод пен мыс, балық өнеркәсібі өнімдерін жеткіземіз. Өткен жылы экспорт 3,4 млрд долларды құрады»,-деп жазды Бақыт Сұлтанов.

Ол келтірген мәліметтер бойынша, Франциядан Қазақстанға ұшу аппараттары, дәрі-дәрмек заттары мен вакциналар, электр трансформаторлары жеткізіледі.

«Әріптесіммен тауар айналымын өсіру мүмкіндіктерін де талқыладық. Қазақстан өз экспортының құрылымын әртараптындыруды мақсат етуде. Франциялық әріптестерге Франция нарығы талап ететін, құны жарты миллиард доллардың 85 түрлі әлеуеттік тауарлар тізбесін зерделеуді ұсындым. Бізде бидай ұнын, металлургия, химия өнімдерін жеткізуді қосымша ұлғайту мүмкіндіктері бар. Лемуан мырзамен болған әңгіме тауар айналымын өсіру үшін бірлесе жұмыс жасауға серпін береді деп сенемін»,-деп қосты министр.


Біздің каналымызға жазылыңыз:

Бөлісіңіз:

Автор:

Айдар Оспаналиев

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT