+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Бақыт Сұлтанов ЕАЭО аясында ортақ валюта енгізу мәселесі бойынша пікір білдірді

2019 жылғы 27 қыркүйек 15:44
Бөлісіңіз:
Бақыт Сұлтанов ЕАЭО аясында ортақ валюта енгізу мәселесі бойынша пікір білдірді

НҰР-СҰЛТАН. ҚазАқпарат – ҚР Сауда және интеграция министрі Бақыт Сұлтанов Еуразиялық Даму Банкінің (ЕАДБ) төрағасының ЕАЭО қатысушы елдері үшін бірыңғай валютаны жасау туралы мәлімдемесіне қатысты пікір білдірді, деп хабарлайды ҚазАқпарат.

Ұқсас жаңалықтар
Шымкентте кәсіпкерлердің мәселелері басты назарда Қазақстандық өнімдер әлемнің 120 еліне экспортталады - министр Қарағанды облысында алдағы үш жылғы бюджет бекітілді

- Бақыт Тұрлыханұлы, осы жылдың 25 қыркүйегінде Еуразиялық Даму банкінің төрағасы Андрей Бельянинов «Российская газетаға» берген сұхбатында ЕАЭО үшін бірыңғай валюта шығару туралы, оның атауы мен ЕАЭО болашақ орталық банкінің үлгісі ретінде ЕАДБ-дағы орны туралы айтты. Бұған қатысты қандай пікір білдіресіз? Бұл пікірдің негізі бар ма?

- Мен бірден айтайын, ЕАДБ - бұл интеграциялық сипаттағы инвестициялық жобаларды қаржыландыратын халықаралық даму институты. Сондықтан, менің ойымша, оның ЕАЭО аясында бірыңғай валютаны енгізу мәселесін талқылауға құқығы жоқ және болмайды.

Мүмкін, бұл Андрей Юрьевичтің сарапшы ретіндегі жеке ұстанымының көрінісі шығар, оны кез келген адам айта береді.

Шынында да, әртүрлі сайттардағы сарапшылар мен БАҚ бұл мәселені жиі қозғайды.

Алайда, біздің азаматтарымыз ЕАЭО-ның барлық нормативтік базасы әр қатысушының егемендігі мәселелерін қатаң сақтайтынын ұмытпағаны жөн. Валюталық реттеу және сауда есептерін жүргізу мәселелері де егеменді болып саналады.

ЕАЭО барлық органдарының негізгі міндеті - біздің елдеріміз арасындағы саудадағы кедергілерді жою, соның ішінде тауарларға бірыңғай стандарттар мен талаптарды енгізу және үшінші елдерден әкелудің бірыңғай тарифтік / тарифтік емес шаралары мен басқа да құралдарын қолдану.

Қаржы нарығы мен ақша-несие саясаты сауда шарттарына, тауарлар мен қызметтердің бәсекеге қабілеттілігіне тікелей әсер ететіндігін ескере отырып, біз оларды үйлестіру үшін келісілген құралдарды қолдануға келістік.

Мәселен, валюталық қатынастарды реттеуге және келісілген шараларын қабылдауға келісілген тәсілдер туралы келісімге қол қойылды. Бұдан бөлек, бірқатар басқа да келісімдер дайындалуда (Бағамдық саясат кеңесінде, мүше мемлекеттердің нарықтарына брокерлер мен дилерлерді қабылдау туралы).

Жалпы, 2025 жылға қарай біз сақтандыру және банк салаларында, бағалы қағаздар нарығын реттейтін салаларда заңнаманы жетілдіруді жоспарлап отырмыз. Ол үшін Алматыда орналасатын орган құру жоспарлануда. Ол бірыңғай қаржы нарығы субъектілерінің тізілімін жүргізумен, халықаралық ұйымдармен ынтымақтастық және халықаралық стандарттарға сәйкес болу үшін ЕАЭО мемлекеттерінің заңнамасын жетілдіру бойынша ұсынымдар әзірлеумен айналысады.

Сонымен бірге, біздің елдеріміздің ұлттық банктері ақша-несие саясатын дербес жүргізеді, қаржылық тұрақтылықты қамтамасыз етеді және қаржы нарығының субъектілерін өздігімен қадағалайды.

Мен ЕАЭО қаржы саласында жүйелі түрде іске асырылатын негізгі жұмыстарды атадым. Тағы да айтайын: Еуразиялық одақ кеңістігінде бірыңғай валютаны енгізу жоспарланып отырған жоқ.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT