Қолданушы баптаулары
Қолданушы баптаулары
+7 (701) 759 90 19 Лента
Астана: 16 °С
Алматы: 12 °С
USD 326.00 EUR 382.20
RUB 5.29 CNY 51.05
Жаңалықтар

Бақыт Сұлтанов: Бюджет қаржысының игерілмеуі жылда қайталанады

2018 жылғы 17 сәуір 11:11 804
Бөлісіңіз:
Бақыт Сұлтанов: Бюджет қаржысының игерілмеуі жылда қайталанады

АСТАНА. ҚазАқпарат - Мемлекеттік органдардың қаржылық жоспарлау мен атқару дисциплинасының проблемалары жылда қайталанады. Бұл туралы Үкімет отырысында І тоқсандағы бюджет қаржысының игерілуі жайлы баяндаған Қаржы министрі Бақыт Сұлтанов айтты, деп хабарлайды ҚазАқпарат.

Ұқсас жаңалықтар
2017 жылы Қазақстанның Орталық Азия елдеріне экспорты үш есеге артты Нью-Йорк қор биржасын 226 жылдан соң алғаш рет әйел басқарады

«95 млрд теңге бюджет қаражаты игерілмеді. Оның 6,5 млрд теңгесі - үнемделген қаржы. Ал, нақты игерілмеген сома 88,9 млрд теңгені құрап отыр. Бұл - 2017 жылдың 1 сәуіріндегі көрсеткіштен (47 млрд.теңге) 1,8 есе көп. Осы соманың 62,1 млрд теңгесі Қорғаныс министрлігіне тиесілі. Басты себебі - мемлекеттік қорғаныстық тапсырыстың 12 ақпанға бекітілуіне байланысты конкурстардың кеш өткізілуі», - деді Бақыт Сұлтанов.

Оның айтуынша, игерілмей қалған қаражаттың 20 млрд теңгесі Мәдениет және спорт, Ішкі істер, Ауыл шаруашылығы, Білім және ғылым, Әділет министрліктері мен Ұлттық қауіпсіздік комитетінде қалыптасқан.

«Осы проблеманы біз жыл сайын көтереміз. Бірақ, айтылған мемлекеттік органдардың қаржылық жоспарлау мен атқару дисциплинасының проблемалары жылда қайталанып отыр. Бұл мәселеде орталықтағы қаржы саласындағы әріптестерімізді жергілікті мамандардан үлгі алуға шақырамын. Жергілікті бюджеттердің шығыстары 823 млрд теңгеге игерілді. 20 млрд теңге орындалмады. Бұл көрсеткіш былтырғы жылдың осындай кезеңімен салыстырғанда 26 пайызға жақсарды», - деді Бақыт Сұлтанов.

фото:primeminister.kz

 


Бөлісіңіз:

Автор:

Аян Бекенұлы

Онлайн қызметкерлер
Редактор
Кожакелдиев Е.
Кожакелдиев Е.
954-059
Мұрағат