Қолданушы баптаулары
Қолданушы баптаулары
+7 (701) 759 90 19 Лента
USD 368.28 EUR 419.21
RUB 5.59 CNY 53.08
Jańalyqtar

Бақыршық кен орнында алтынның алғашқы тоннасы өндірілді - ШҚО

2018 жылғы 13 қыркүйек 01:46 477
Бөлісіңіз:
Бақыршық кен орнында алтынның алғашқы тоннасы өндірілді - ШҚО

ӨСКЕМЕН. ҚазАқпарат - Шығыс Қазақстан облысы Жарма ауданындағы «Бақыршық тау-кен өндіру кәсіпорнында» алтын металының алғашқы тоннасы өндірілді, деп хабарлайды ҚазАқпарат altaynews.kz сайтына сілтеме жасап.

Бақыршық кен орны үстіміздегі жылдың 25 маусымында салтанатты жағдайда іске қосылған болатын.

Кен орны алтын өндірудің өте күрделі технологиясымен сипатталатыны белгілі. Кеніштің жарты ғасырлық тарихы бар. Бірақ «Полиметалл» компаниясына дейін қымбат металдың ауқымды өндірісін бұл жерде ешкім іске асыра алмаған.

Айтулы оқиғаның құрметіне кен-байыту кешенінің цехында «Бақыршық тау-кен өндіру кәсіпорны» ЖШС-нің барлық бөлімшелерінің қатысуымен митинг өтті. Онда «Полиметалл УК» АҚ бас директорының өндіріс жөніндегі орынбасары Виталий Савченко мен Жарма ауданының әкімі Нұрлан Сыдықов құттықтау сөз сөйледі.

«Бақыршық кен орнын игерудің көп жылғы тарихында алғаш рет бағалы металл неғұрлым ірі мөлшерде өндіріліп отыр. Бұл Қазақстандағы қоры бай кен орындарының бірінде өнеркәсіп өндірісінің басталғандығын көрсетеді», - деді аудан әкімі Нұрлан Сыдықов.

Айта кетейік, Бақыршық кен орны биыл Шығыс Қазақстан облысының 273 мектебінде робототехника сыныптарын жарақтандырды. Бұл тізімде Жарма ауданының 14 мектебі де бар.

 

 

 

Біздің каналымызға жазылыңыз:

Бөлісіңіз:
Загрузка...
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
MURAǴAT