11:27, 11 Ақпан 2017 | GMT +6
БАҚ: Қытайлық шенеуніктер жалқаулықпен күрес туралы жиында ұйықтап қалған
АСТАНА. ҚазАқпарат - Қытайдың Хубэй провинциясында алты шенеунік жалқау мемлекеттік қызметшілерді ынталандыру тәсіліне арналған мәжілісте ұйықтап қалғаны үшін жазалады, деп хабарлады Ecns.cn. порталы.
Оқиға Сянъян округінде орын алды. Ұйықтап қалғандардың бірі - Қытай коммунистік партиясының қалалық жоспарлау бюросы хатшысының орынбасары. Екіншісі аз қамтылған азаматтарға тұрғын үй алаңын субсидиялайтын қор директорының орынбасары.
Тәртіптік бюро олар көпшілік алдында кешірім сұрап, қалалық комитетке өзін-өзі сынау хатын жіберуі тиіс деп шешті.