+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

БАҚ арасында футболдан Сейдахмет Бердіқұлды еске алуға арналған турнир өтеді

2021 жылғы 18 маусым 09:48
Бөлісіңіз:
БАҚ арасында футболдан Сейдахмет Бердіқұлды еске алуға арналған турнир өтеді

НҰР-СҰЛТАН. ҚазАқпарат - ҚР Ақпарат және қоғамдық даму министрлігінің қолдауыменбұқаралық ақпарат құралдары қызметкерлерінің күніне орай маусымның 27-сі күні Нұр-Сұлтан қаласында шағын футболдан білікті қаламгер, қазақ спорт журналистикасының негізін қалаушы Сейдахмет Бердіқұлды еске алуға арналған республикалық турнир қайта жанданады, деп хабарлайды ҚазАқпарат.

Ұқсас жаңалықтар
Олимпиада: Қазақстандық спортшылардың 4 тамыздағы жарыс кестесі Ришат Хайбуллин Токио Олимпиадасының финалына өте алмады Олимпиада-2020: Қазақстан медальдар саны бойынша нешінші орында

Алғаш рет байрағын 1994 жылы көтерген турнир барша БАҚ өкілдерінің тағатсыздана күтетін доп додасына айналды. Алайда, карантиндік шектеулерге байланысты дәстүрлі жарыс ұйымдастырылмай қалған болатын.

Осы орайда Сейдахмет Бердіқұлдың рухын ардақтау және отандық БАҚ өкілдерінің басын қосып, өзара ынтымақтастықты арттыру мақсатында ҚР Ақпарат және қоғамдық даму министрлігі турнирді «BAQ liga» қоғамдық қорымен қайта жандандырып отыр. Турнир 27 маусымда БАҚ қызметкерлері күні қарсаңында Нұр-Сұлтан қаласында өтеді.

ҚР Ақпарат және қоғамдық даму министрі А.Ғ. Балаева «Дене шынықтыру әр адамның өмірінде маңызды рөл атқарады және БАҚ қызметкерлері де ерекшелік емес. Аталған шарамен біз ақпарат саласының дамуына үлкен үлесін қосқан белгілі әріптестерімізге құрмет көрсетеміз. Сондай-ақ, ол өскелең ұрпақ үшін үлгі болады деп сенемін» - дей отырып, республикалық және өңірлік БАҚ-тарды турнирге белсенді қатысуға шақырады.

Айта кетейік, Сейдахмет Бердіқұл (1933-1994) – Алматы облысы, Жамбыл ауданындадағы Қаракастек қыстағында дүниеге келген. 1956 жылы ҚазМУ-дің журналистика факультетін бітірген. 1965-1970 жылдары «Қазақстан пионерінің» редакторы, 1970-1986 жылдары «Лениншіл жас» (қазіргі «Жас алаш») газетінің редакторы, 1986-1994 жылдары «Жалын», «Балауса» баспаларының директоры болды, қазақ спорты жанрының негізін қалады. 1960 жылдан бастап әдеби-көркем шығармалар жазумен айналысқан. Орыс тілінде «Острый клинок» жинағы жарық көрді. Бірталай туындылары туысқан халықтар тілінде аударылды. «Құрмет Белгісі» орденімен, медальдармен марапатталған.

Шағын футболдан Сейдахмет Бердіқұлдың алғашқы турнирі қаламгер дүниеден өткеннен кейін 1994 жылы ұйымдастырылды. Биыл 23-ші рет байрағын желбіретпек.

Турнирге қатысатын командалар бірнеше топқа (әрбірінде 4 командадан) бөлінеді. Әр топтан екі үздік команда келесі кезеңге шығады, әрі қарай плей-офф бәсекесіне ұласады.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059

MURAǴAT