Бағлан Құлтаев «Аграрлық несие корпорациясы» АҚ басқарма төрағасы болып сайланды

None
None
НҰР-СҰЛТАН. ҚазАқпарат – «ҚазАгро» холдингі «Аграрлық несие корпорациясы» (АНК) АҚ директорлар кеңесінің шешімімен басқарма төрағасы қызметіне Бағлан Құлтаев сайланды. Бұған дейін ол корпорацияның басқарушы директоры – басқарма мүшесі қызметін атқарған. Бұл туралы «ҚазАгро» холдингі» АҚ баспасөз хатшысы Дамир Аспан Facebook-тегі парақшасында жазды, деп хабарлайды ҚазАқпарат.

«Холдинг акционер ретінде ашықтық саясатына мүдделі және мұны толық қолдайды. Бұрын айтылғандай, «ҚазАгроны» реформалау мақсатында Холдингті трансформациялау бағдарламасы бекітілді. Осы міндетті іске асыру шеңберінде корпоративтік және ұйымдастырушылық шешімдерді қабылдау процесі жүріп жатыр.

Қолданыстағы заңнамаға және корпоративтік басқару қағидаттарына сәйкес, акционерлік қоғам акционерінің, Директорлар және басқарма кеңесінің өкілеттігі шектелді. Атап айтқанда, Басқарма төрағасының өкілеттігін тоқтатуы Директорлар кеңесінің құзырында. Осылайша, АНК бұрынғы төрағасы М.Дәрібаевтың өкілеттігін тоқтатуы бұның алдында жоспарланған шара еді. Ол тек кезекті отырыста бекітілді. Тағы бір айта кететін жайт, Мұрат Аманкелдіұлы Холдингте жұмыс істемек», - деп жазды Дамир Аспан.


Соңғы жаңалықтар