Багам аралдарындағы курортта үш америкалық туристің денесі табылды
2022 жылғы 29 маусым 14:21

Багам аралдарындағы курортта үш америкалық туристің денесі табылды

НАССАУ. ҚазАқпарат – Сейсенбі күні Багам аралдары полициясы Багамдағы курорттан үш америкалық туристің өлі күйде табылғанын мәлім етті, деп хабарлайды ҚазАқпарат ABC News басылымына сілтеме жасап.

Құқық қорғау органдары демалушылардың өлімінің мән-жайы тергеліп жатқанын айтты. АҚШ азаматтарының өлімінің ықтимал себебі – газдан улану.

Қаза тапқандар Теннесси штатының 68 жастағы Майкл Филлипс және 65 жастағы Робби Филлипс есімді тұрғындары, сондай-ақ Флорида штатының 64 жастағы Винсент Чиарелла тұрғыны. Чиарелланың әйелі 65 жастағы Денис Чиарелла аман қалған. Ол емделу үшін Нью-Провиденс аралына (Багам аралдары) әуе арқылы жеткізілді, содан кейін Флоридадағы ауруханаға ауыстырылды.

Полицияның мәліметінше, төрт турист те иістенбес бұрын дәрігерге денсаулығының нашарлығы туралы шағыммен жүгінген.

Ерлі-зайыптылар Эксума аралындағы Sandals Emerald Bay курортында бір-біріне жақын жердегі бөлек виллаларда тұрған.


Ұқсас жаңалықтар

Jańalyqtar

Үрдіс

MURAǴAT