БАӘ ұшақтары Бағдад қаласына ұшпайтын болды

АСТАНА. ҚазАқпарат - Біріккен Араб Әмірліктерінің Etihad және Air Arabia әуе тасымалдаушыларының ұшақтары Бағдад қаласына ұшуларын тоқтатады, деп хабарлады шетелдік БАҚ.

Әуе компаниялары БАӘ азаматтық авиация бойынша ведомствоның нұсқауымен осы шешімге келген. Бұл нұсқаулар Бағдадтағы әуежайда Flydubai әуе компаниясының ұшағының оқтардан зақымданғаны анықталғаннан кейін жарияланған. Ұшақтың еш қиындықсыз қонғаны, ал жолаушылардың жарақаттанбағаны туралы хабарланды.