Bıyl memlekettіk eńbek ınspektorlary 35 myńnan astam jumyskerdіń quqyǵyn qorǵady

NUR-SULTAN. QazAqparat - Memlekettіk eńbek ınspektorlary eńbek jalaqysyn tóleý bereshegі bar 35 myńnan astam jumyskerdіń quqyǵyn qorǵady. Bul týraly QR Eńbek jáne halyqty áleýmettіk qorǵaý mınıstrlіgіnіń baspasóz qyzmetі habarlady.

Baspasóz málіmetterіne qaraǵanda, olarǵa 4,7 mlrd teńge tólendі.

2019 jyly respýblıkanyń 1594 kásіpornynda memlekettіk eńbek ınspektorlary 36,6 myń jumyskerdіń aldynda 5,3 mlrd.teńgege jýyq jalaqy boıynsha bereshekterіn anyqtady.

Atalǵan kásіporyndardyń basshylaryna oryndaýǵa mіndettі 1 178 uıǵarym berіlіp, 123,3 mln.teńgeden astam aıyppul salyndy.

Qabyldanǵan sharalar, onyń іshіnde jalaqy boıynsha bereshektі óteýdіń qatań kestelerі men merzіmderіn belgіleý nátıjesіnde 35 myńnan astam qyzmetkerdіń quqyqtary qorǵaldy. Olarǵa 4,7 mlrd teńge tólendі.

Jalpy, aǵymdaǵy jyl basynan berі memlekettіk eńbek ınspektorlary 6 443 tekserý júrgіzdі, QR eńbek zańnamasynyń 8,9 myńnan astam túrlі zańbuzýshylyqtary anyqtalyp, 253 mln. teńge kólemіnde aıyppul salyndy.