Қолданушы баптаулары
Қолданушы баптаулары
+7 (701) 759 90 19 Лента
USD 383.43 EUR 429.83
RUB 5.96 CNY 55.39
Jańalyqtar

Азық-түліктің бағасы негізсіз өсіп отыр - Бақытжан Сағынтаев

2018 жылғы 25 желтоқсан 12:35 1791
Бөлісіңіз:
Азық-түліктің бағасы негізсіз өсіп отыр - Бақытжан Сағынтаев

АСТАНА. ҚазАқпарат - Үкіметтің бүгінгі отырысында азық-түлік бағасын бақылау мәселесі қаралды, деп xабарлайды ҚазАқпарат тілшісі.

Ұқсас жаңалықтар
Қазақстанда бір жыл ішінде бензин бағасы қаншалықты арзандады - зерттеу Қазақстанда жеміс пен көкөніс бағасы арзандады

ҚР Ұлттық экономика министрі Тимур Сүлейменовтың айтуынша, әлеуметтік маңызы бар тауарлардың бағасы бір аптаның ішінде 0,3 процентке өсті. Соның ішінде қырыққабат пен қанттың шекті бағасы барлық аймақтарда 15 процентке көтерілді.

«Бүгінде бағаларды ұстап тұратын арнайы комиссиялар бар. Бірақ жергілікті жерде аталған меxанизмді толыққанды қолданбайды. Енді қант бойынша обьективті себептер бар. Әлем нарығында қанттың бағасы өсіп отыр. Ал қырыққабат бойынша жағдай өзгеше. Оны әкімдіктер өздері шеше алады. Сондықтан бағаның шекті мәндерін белгілеп, тиісті бақылау шараларын жүргізу керек. Алайда бір де бір әкімдік шекті мәндерді бекіткен жоқ. Бұл 2019 жылы бірінші тоқсанда әлеуметтік маңызы бар азық-түлік тауарларының бағасына кері әсерін тигізуі мүмкін», - деді Т.Сүлейменов.

Министрдің сөзіне қарағанда, комиссия шешімдерін қатаң бақылап отыру қажет. Бұдан бөлек, әкімдіктер жыл соңына дейін 2019-дың шекті мәндерін бекітуі тиіс. Кәсіпкерлер арасында түсіндіру жұмыстарын да жүргізген жөн.

ҚР Премьер-Министрі Бақытжан Сағынтаев та азық-түліктің қымбаттап кеткенін байқап отыр. 

«Негізінен, біз соңғы бір ай бойы осы жөнінде айтып келе жатырмыз. Бірақ қырыққабат пен қантқа қатысты обьективті себептер бар. Қалғандардың бағасы негізсіз өсіп отыр. Қорларда қаржы бар, тұрақтандыру қорларында азық-түлік жеткілікті. Бәрі бар болса, баға неге өседі? Себебі сіздердің тарапыңыздан бақылау жоқ. Қазір қияр мен қызанақтың бағасы шарықтап кетті. Оған қарап жатқан ешкім жоқ. Бақылауға алыңыздар!», - деді Б.Сағынтаев.

 

 

 

Біздің каналымызға жазылыңыз:

Бөлісіңіз:

Автор:

Арман Асқаров

Загрузка...
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
MURAǴAT