Азиядағы өзара іс-қимыл және сенім шаралары жөніндегі кеңеске 30 жыл

None
None
НҰР-СҰЛТАН. ҚазАқпарат – Азиядағы өзара іс-қимыл және сенім шаралары жөніндегі кеңестің өңірдегі бейбітшілікті, қауіпсіздік пен тұрақтылықты нығайтудағы рөлі маңызды. Ұйымның 30 жылдығына орай өткен отырыста Ұлттық қорғаныс университетінің бастығы, генерал-майор Лұт Әлшекенов осындай ой айтты, деп хабарлайды ҚазАқпарат.

«Бірлескен белсенді қимылдар ұйым жұмысын тиімді әрі пәрменді етеді. Егер тиімді іс-қимыл мен пәрменді әрекет іске асып жатса, Азияда шешілмейтін проблемалар болмайды деп ойлаймын. Мұның маңызды екенін түсіну біздің континенттің және бүкіл жер жүзінің келешегіне деген сенімді нығайта түсері анық», - деді Лұт Әлшекенов.

Азиядағы өзара іс-қимыл және сенім шаралары жөніндегі кеңестің 30 жылдығына орай, Ұлттық қорғаныс университетінде өткен отырысқа Кеңес хатшылығының атқарушы директоры Қайрат Сарыбай, әскери атташелер мен 14 мемлекеттің қорғаныс ведомстволарының өкілдері қатысты.

Семинар аясында делегация мүшелері Алматыдағы бітімгерлік дайындық оқу орталығында болып, оқу орталығының инфрақұрылымымен танысты.


Соңғы жаңалықтар