+7 (701) 759 90 19
USD 384.63 EUR 427.98
RUB 6.08 CNY 54.68
Jańalyqtar

Азия чемпионаты: Жамбы атудан жеңімпаздар мен жүлдегерлер анықталды

2019 жылғы 20 сәуір 01:25
Бөлісіңіз:
Азия чемпионаты: Жамбы атудан жеңімпаздар мен жүлдегерлер анықталды

АЛМАТЫ. ҚазАқпарат - Алматыда Ұлттық ат спортынан өтіп жатқан І Азия чемпионатында жамбы атудан жеңімпаздар мен жүлдегерлер анықталды, деп хабарлайды ҚазАқпарат тілшісі.

ҚР Ұлттық спорт қауымдастығы мәлім еткендей, жамбы ату сайысына 7 мемлекеттен келген 12 мерген сынға түсті.

Атап айтар болсақ, Қазақстаннан - 3, Моңғолиядан - 3, Мажарстаннан- 2, Ресейден - 1, Өзбекстаннан - 1, Малайзиядан - 1, Түркиядан - 1 спортшы бақ сынады.

Азиялық жамбы ату сайысы азиялық стиль, түрік стилі және қазақтың ежелгі жамбы ату өнері бойынша үш кезеңнен тұрды.

Алғашқы азиялық стильмен нысана көздеуде отандасымыз Айкөз Ералханға тең келер ешкім болған жоқ. Ол 27,1 ұпай еншіледі. Екінші орынға 26,94 ұпаймен моңғолиялық спортшы Түмэнбайыр Отгонбайыр ие болса, үздік үшінші орынға 26,69 ұпай еншілеген тағы бір Моңғолия мергені Күслэн Чулуунбаатар жайғасты.

Ал түрік стилінде жерлесіміз Бақдәулет Бабажан 55,28 ұпаймен көш бастаса, екінші орынды азиялық стильде топ жарған жерлесіміз Айкөз Ералхан 48,88 ұпаймен жеңіп алды. Ал алғашқы үштікті мажастанның жас мергені Золт Лизиска 38,85 ұпаймен қорытындылады.

Соңғы жамбы қазақтың ежелгі жамбы ату сайысынан отандасымыз Бақдәулет Бабажанға ешкім тең келген жоқ (53,28 ұпай). Екінші орынға моңғолиялық мерген Түменбайыр Отгонбайыр (30 ұпай) ие болса, үшінші орынға мажарстандық мерген Золт Лизиска (28,3 ұпай) ие болды.

Осылайша жамбы ату сайысының жеңімпаздары жоғарыда аталған үш түрлі стильдің жалпы ұпайлары бірге есептеліп, ең көп ұпай жинаған мерген жеңімпаз атанады.

Сонымен жалпы есеп қорытындысы бойынша бас жүлдені (1-тур - 24,03; 2-тур - 55,28; 3-тур - 53,28) 164,62 ұпай еншілеген жерлесіміз Бақдәулет Бабажан қанжығасына байлады. Екінші орынға (1-тур - 27,1; 2-тур - 48,88; 3-тур - 17,19) 118,27 ұпай еншілеген тағы бір отандасымыз Айкөз Ералхан ие болса, үздік үшінші орынға (1-тур - 26,94; 2-тур - 33,66; 3-тур - 30) 117,57 ұпай еншілеген Моңғолия астанасы Ұланбатыр қаласынан келген мерген Түмэнбайыр Отгонбайыр ие болды. Енді, жеңімпаздар мен жүлдегерлер 21 сәуір күні марапатталады.

Естеріңізге сала кетейік, осыған дейін теңге ілу сайысының жеңімпаздары мен жүлдегерлерін жариялаған болатынбыз.

Жастар жылына орай ұйымдастырылып жатқан біріншіліктің жалпы жүлде қоры 16 миллион теңгені құрайды. Чемпионатты Алматы облысы әкімдігінің қолдауымен ҚР Ұлттық спорт қауымдастығы ұйымдастырып жатыр. Аталған додаға Азияның 10 елінен спортшылар қатысуда. Олар көкпар, аударыспақ, теңге ілу және жамбы ату спортынан бақ сынап жатыр.

Біздің каналымызға жазылыңыз:

Басты сөздер: Алматы, Спорт,
Бөлісіңіз:

Автор:

Күнсұлтан Отарбай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT