Азиаданың басталу сәтін есептейтін кері санақ тақтасы іске қосылады

АСТАНА. Қаңтардың 10-ы. ҚазАқпарат /Руслан Ғаббасов/ - Астана мен Алматы қалаларында Азиаданың басталу сәтін есептейтін кері санақ тақтасын іске қосу салтанатын өткізуге дайындық жұмыстары жүргізілуде,

деп хабарлайды ҚазАқпарат.

Туризм және спорт министрлігі баспасөз қызметінің мәліметінше, аталған шара 2011 жылғы қысқы Азия ойындарының басталуына тура бір жыл қалғанда, яғни биылғы жылғы қаңтардың 30-ында ұйымдастырылмақ.

Атап айтқанда, Азиада аясында «Мәдени Азиада» атауына ие болған мәдени шаралардың бағдарламасы әзірленді. Бұл жоба бірінші кезекте Азия ойыдары кезінде өтетін шаралардың қатарын нығайтуға, сонымен қатар еліміздің тарихи және мәдени мұрасының байлығын көрсетуге бағытталған.