16:09, 26 Тамыз 2018 | GMT +6
Азиада-2018: Каратеші Дидар Әмірәлі финалға шықты
АСТАНА. ҚазАқпарат - Индонезияда өтіп жатқан Жазғы Азия ойындарында каратеші Дидар Әмірәлі финалға шықты, деп хабарлайды ҚазАқпарат тілшісі.
ҚР ҰОК-тің баспасөз қызметі мәлім еткендей бүгін Азия ойындарында каратешілер додасы жалғасуда. 67 келіде сынға түскен Дидар Әмірәлі құрлық додасының финалына өтті.
Дидар Әмірәлі 1/16 финалда Бірікеен Араб Әмірліктерінің спортшысын ұтты.
1/8 финалда Таиланд өкілінен басым түсті.
Ширек финалда Шри-Ланка спортшысын тізе бүктірген Дидар жартылай финалда индонезиялық каратешіні жеңді.
Финалда Дидар кувейттік Әли Абдуәзизбен Азиада алтынын сарапқа салады.