Ажар Ғиният маска режимі туралы: Ауруханалардың жүктелімі алты-ақ пайыз
2022 жылғы 1 шілде 10:58

Ажар Ғиният маска режимі туралы: Ауруханалардың жүктелімі алты-ақ пайыз

НҰР-СҰЛТАН. ҚазАқпарат – Елордада өтіп жатқан Халықаралық нейрохирургия форумының кулуарында ҚР Денсаулық сақтау министрі Ажар Ғиният елдегі эпидемиологиялық ахуал туралы пікір білдірді, деп хабарлайды ҚазАқпарат тілшісі.

«Дәл бүгінде республика бойынша қорқынышты жағдай жоқ – «жасыл» аймақтамыз. Біздің ауруханаларымызда жүздеген адам ем алып жатыр. Аурухананың алты-ақ пайызға толы. Соның ішінде 4 адамның денсаулық жағдайы нашар деген қорытындымен дәрігерлерің бақылауына алынды», - деді министр БАҚ өкілдерінің сауалына берген жауабында.

Оның мәліметі бойынша, респбулика «жасыл» аймақта тұрғандықтан, әзірге маска режимін енгізу күн тәртібінде тұрған жоқ.

«Өздеріңіз білесіздер, елімізде эпидемиологиялық жағдайды бақылайтын матрица бар. Егер өңірлер «жасыл» немесе «қызыл» аймақтарға енсе, тиісті санитарлық-эпидемиологиялық шаралар қолданылады. Қазіргі жағдайда «жасыл» аймақта болғандықтан ондай шаралар жоқ. Ал егер «сары» аймаққа кірген кейбір өңірлерде аурушаңдық көбейіп, қандай да бір қауіп-қатер туындаса, министрлік тарапынан, саниталық-эпидемиологиялық дәрігердің тарапынан тиісті шаралар қолданылады. Бүгінгі таңда алаңдауға еш негіз жоқ. Бірақ алдымызды ойлап, қандай да бір шараларды жоспарлап қоямыз», - деді Ажар Ғиният.

Айта кетейік, өткен тәулікте елімізде 189 адамнан коронавирус анықталды.



Ұқсас жаңалықтар
Шыңжаңның ірі қалаларында коронавирустың өршуіне байланысты шектеу енгізілді
2022 жылғы 10 тамыз 15:26

Шыңжаңның ірі қалаларында коронавирустың өршуіне байланысты шектеу енгізілді

БЕЙЖІҢ. ҚазАқпарат – 4 миллионнан астам халқы бар ҚХР Шыңжаң-Ұйғыр автономиялық өлкесінің (ШҰАӨ) әкімшілік орталығы Үрімшіде коронавирустың өршуіне байланысты бес күндік шектеулер енгізілді, деп хабарлайды ҚазАқпарат меншікті тілшісі індетпен күрес жөніндегі жергілікті штабқа сілтеме жасап.

Сейсенбіден бастап Үрімші қаласының алты ауданының тұрғындарына көшеге шығуға шектеу қойылды. ШҰАӨ әкімшілік орталығында «статистикалық басқару» енгізіледі және тұрғын орамдар, тіпті жеке аулаларға дейін «бір рет кіріп-шығу» қағидаты қатаң сақталатын болады.

Муниципалды мемлекеттік органдар мен барлық деңгейдегі мекемелердің қызметкерлері қашықтан жұмыс режиміне ауысады. Тек ауылшаруашылық базарлары, қажетті тауарлары бар дүкендер, дәріханалар мен ауруханалар ашық болады. Қалалық қоғамдық көлік қозғалысы уақытша тоқтатылды.

Хабарламада айтылғандай, бес күн ішінде аса қажеттілік болмаса, Үрімші қаласына келуге тыйым салынады. Бұл ретте әуе, авто және теміржол қатынасы қалыпты режимде жұмыс істейтін болады.

Ковидке қатысты шектеу 500 мыңға жуық халқы бар Инин (ҚХР ШҰАА) қаласында да енгізілді.

Соңғы мәліметтер бойынша, жалпы алғанда, шілде айының соңынан бастап ШҰАӨ-де 500-ден астам асимптоматикалық коронавирус тасымалдаушысы анықталды. Олардың көпшілігі Инин қаласында (405 жағдай) тіркелген.

COVID-19 ауруы Шыңжаңның басқа да ірі елді мекендерінде – Үрімші, Хотан, Турфан, Ақсу, Болэ және Хами қалаларында, сондай-ақ Қашғар, Тачэн және Алтай округтерінде тіркелген.

Өткен тәулікте ШҰАӨ-де коронавирустың 120-дан астам симптомсыз тасымалдаушысы тіркелген, оның 70-тен астамы Инин қаласында анықталған.


Фото: Getty Images


COVID-19: Жапония халқының саны 726 342 адамға азайды
2022 жылғы 10 тамыз 13:35

COVID-19: Жапония халқының саны 726 342 адамға азайды

НҰР-СҰЛТАН. ҚазАқпарат – Жапония халқының саны 125,93 миллионға дейін азайды. 1 қаңтардағы жағдай бойынша алынған бұл дерек – 2013 жылдан бергі рекордтық көрсеткіш, деп хабарлайды ҚазАқпарат KYODO NEWS агенттігіне сілтеме жасап.

Елдің ішкі істер министрлігі жариялаған мәліметтерге сәйкес, халық саны – 125 927 902 адам, оның ішінде тұрақты түрде тұратын шетелдіктер де бар.

Жапонияның Окинавадан басқа барлық 47 префектурасының халқы азайған. Сонымен бірге, Токиода және Сайтама, Тиба мен Канагава префектураларында тұрғындары саны кеміп отыр.

Өлім-жітім туу көрсеткішінен басым, сондай-ақ COVID-19 пандемиясына байланысты шекарадағы шектеулер шетелдіктер санының төмен болуына әкелген.



Фото: english.kyodonews.net




Омикрон-ниндзя: Беларусьта коронавирустың жаңа штамы табылды
2022 жылғы 10 тамыз 12:03

Омикрон-ниндзя: Беларусьта коронавирустың жаңа штамы табылды

НҰР-СҰЛТАН. ҚазАқпарат - Беларусьта коронавирустың жаңа штамы табылды. Ол «омикрон-ниндзя» деп аталады. Бірінші жұқтырған адам Минскіде, екіншісі Витебскіде. Екі жағдай да зертханалық түрде расталды. Науқастар вирусты жеңіл түрде өткізуде.

Бұл туралы ҚазАқпарат ҚР Үкіметі жанындағы Қазақстанда коронавирустың таралуына жол бермеу жөніндегі ведомствоаралық комиссиясына сілтеме жасап хабарлайды.

«Омикрон-ниндзя» ағзаға тез еніп, иммунитетті әлсіретеді және антиденелерді елемейді. Оны жұқтырған науқас 12 адамға жұқтыруы мүмкін. Бұл басқа штамдарға қарағанда екі есе көп.

Омикронның жаңа кіші түрі – Оңтүстік Африкадан мутацияланған вирустың бесінші желісі. Қазір бұл штамм АҚШ пен Батыс Еуропада кең таралған.

«Бұл негізінен тұрақты түрде мутацияға ұшырайтын «омикрон». Сондықтан біз клиника бойынша ауыртпалық пен ағымның ауырлығы жағынан қандай да бір ерекше жағдайларды күтпейміз. Емнің басталу жылдамдығы, контагиоздігі – оның басқалардан айырмашылығы. Мұнда біз омикрон штамы болған кездегі соңғы толқыннан ол аурудың ауырлығы мен ағымының жұмсақ түрін тудырғанын көрдік», – деді Беларусьтің бас мемлекеттік санитариялық дәрігері.


Jańalyqtar

Үрдіс

MURAǴAT