Әзербайжанда кезектен тыс парламенттік сайлау өтеді деген ақпарат жалған

БАКУ. ҚазАқпарат - Әзербайжанда кезекті парламенттік сайлау 2020 жылы өтеді. Бұл туралы дүйсенбі күні биліктегі «Ени Азербайжан» партиясы төрағасының орынбасары - атқарушы директор Али Ахмедов мәлім етті, деп хабарлайды Trend агенттігі.

Бұдан бұрын әлеуметтік желіде Әзербайжанда  кезектен тыс парламенттік сайлау болады деген ақпарат тараған  еді.

Еске сала кетсек, мұның алдындағы парламенттік сайлау 2015 жылы өткен болатын.