Азаматтық некедегі әйелін екі күн ұрып-соққан көкшетаулықтың үстінен қылмыстық іс қозғалды

КӨКШЕТАУ. ҚазАқпарат - Көкшетау қаласының 30 жастағы тұрғыны азаматтық некедегі әйелді екі күн бойы ұрып-соғып, үйінен шығармай қойған. Бұл туралы облыстық ІІД баспасөз қызметінен хабарлады.

Көкшетау қаласының тұрғыны, 26 жастағы әйел полицияға хабарласып, «күйеуінің» үстінен арыз түсірген.
«Жедел іздестру шарасы барысында 30 жастағы көкшетаулық қолға түсті. Кейін анықталғандай, ол қызғаныштан 26 жастағы әйелді наурыздың 26-28 күндері аралығында өздері бірге тұратын пәтерде ұрып-соғып, қамауда ұстаған.
Қазіргі кезде, күдіктіден ешқайда кетпеу жөнінде қолхат алынып, ҚР ҚК 126-бабының 1-бөлімі бойынша қылмыстық іс қоғалды», деп көрсетілген хабарламада.