+7 (701) 759 90 19
USD 412.55 EUR 454.18
RUB 5.81 CNY 57.66
Jańalyqtar

Азаматтарға арналған үкіметтің бэк-офис қызметкерлері 14 сағаттан жұмыс істеуде

2020 жылғы 6 сәуір 17:08
Бөлісіңіз:
Азаматтарға арналған үкіметтің бэк-офис қызметкерлері 14 сағаттан жұмыс істеуде

АЛМАТЫ. ҚазАқпарат –«Азаматтарға арналған үкімет» мемлекеттік корпорациясы» коммерциялық емес АҚ-ның Алматыдағы бөлімшесінің әлеуметтік блогы 42500 теңгені алуға жолданған 20 мыңнан астам өтінішті өңдеді, деп хабарлайды ҚазАқпарат тілшісі.

31 наурызда Мемлекет басшысы Қасым-Жомарт Тоқаев зейнетақы мен мемлекеттік жәрдемақыны, АӘК пен әлеуметтік көмекті қоса алғанда, жылдық мәнде 10% индексациялауды тапсырған болатын.

Сонымен қатар, төтенше жағдай кезінде табысынан айырылғандарға, сондай-ақ қиын жағдайға тап болған өзін-өзі жұмыспен қамтығандарға 1 ЕТЖ немесе 42 500 теңге төлеуді тапсырды. Болжам бойынша, қолдау үшін 3 миллионға жуық қазақстандық өтініш білдіруі мүмкін.

Мемлекет басшысының шұғыл тапсырмасын орындау үшін «Азаматтарға арналған үкімет» мемлекеттік корпорациясы» коммерциялық емес АҚ Әлеуметтік блогының қызметкерлеріне жүктеме 4 есеге артты.

«Азаматтарға арналған үкіметтің» Алматы қаласы бойынша филиалының ұжымы әлеуметтік тұрақтылықты сақтау үшін, Президенттің қайта есептеу жөніндегі тапсырмасын орындау мақсатында онлайн қызмет көрсетуге кірісті.

Филиалдың баспасөз қызметінің хабарлауынша, бұл жұмысқа филиалдың әлеуметтік блогының 200-ден аса қызметкері жұмылдырылған.

«Оның ішінде 100–ден аса оператор бэк-офистерде және 100-ден аса оператор үйде онлайн қызмет көрсетуде. Жұмыс кестесі таңғы сағат 8.00-ден басталып 22.00-ге дейін, кейде одан да ұзаққа созылуда. Олар азаматтардың өтініштерін қабылдайды, тексереді және уәкілетті органға жібереді. Әлеуметтік сақтандыру жөніндегі мемлекеттік қордың (ГФСС) растауынан кейін құжаттарды төлем жасау үшін базаға енгізеді. Бүгінде дейін республика бойынша келіп түскен 1 миллион 200 мыңға жуық өтініштің 20 мыңнан астамы Алматы қаласының үлесінде. Филиал қызметкерлері оларды өңдеп, төлем жасауды қамтамасыз етуде», - делінген ақпаратта.

Сондай-ақ, 1414 call-орталығында жұмыс істеу үшін әлеуметтік блоктың 2 операторы бөлінген. Олар азаматтардың әлеуметтік төлемдерге қатысты сұрақтарына жауап береді.

«Елдегі қазіргі жағдай бәрімізден бірлікті талап етеді. Біздің қызметкерлеріміз еселене түскен жұмысына барлық күш жігерін жұмсап, қайраттылық танытуда, өйткені жауапкершілік жүгі өте ауыр. Барлық аудандарда жәрдемақыға өтініштер толассыз келіп түсуде. Қызметкерлеріміздің төзімділігі мен шыдамдылығының арқасында тапсырма сапалы орындалып жатыр. Бұл орайда,филиалдың әлеуметтік қамтамасыз ету блогының барлық қызметкерлеріне алғысымды білдіремін! Біздің ұранымыз- SANALY QYZMET-SAPALY NATIJE!» - деді филиал директоры Данияр Қырықбаев.


Біздің каналымызға жазылыңыз:

Басты сөздер: Алматы, Аймақ, Коронавирус,
Бөлісіңіз:

Автор:

Гүлмира Ғосманәли

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT