Азамат Асқарұлы ҚР сауда және интеграция вице-министрі қызметінен босатылды

НҰР-СҰЛТАН. ҚазАқпарат – Қазақстан Республикасы Үкіметінің Қаулысымен Азамат Асқарұлы берген өтінішіне сәйкес ҚР сауда және интеграция вице-министрі қызметінен босатылды, деп хабарлайды primeminister.kz.

Азамат Асқарұлы 1984 жылы Алматы облысында туған.

2006 жылы Әл-Фараби атындағы Қазақ ұлттық университетін, 2009 жылы «Болашақ» бағдарламасы бойынша Гарвард университетін, 2016 жылы Гонконг ғылым және технология университетін бітірген.

Түрлі жылдары «Самұрық-Қазына Инвест» ЖШС, «Қазақстан темір жолы Экспресс» АҚ жұмыс істеді, Гонконг қаласындағы «KTZ Express Hong Kong» ЖШҚ басқарды.

2016-2019 жж. ҚР Премьер-Министрі орынбасарының кеңесшісі болды.

2019 жылғы шілде айынан қазірге дейін ҚР сауда және интеграция вице-министрі қызметін атқарды.