+7 (701) 759 90 19
USD 377.19 EUR 408.99
RUB 5.93 CNY 54.02
Jańalyqtar

«Аймақты әнмен тербетіп»: Ақтөбеде республикалық өнер мерекесі өтті

2019 жылғы 17 тамыз 11:13
Бөлісіңіз:
«Аймақты әнмен тербетіп»: Ақтөбеде республикалық өнер мерекесі өтті

АҚТӨБЕ. ҚазАқпарат – Ақтөбенің Ырғыз ауданында дәстүрлі өнер фестивалі өтіп жатыр. Оған еліміздің әр өңірінен 23 өнерпаз қатысты, деп хабарлайды ҚазАқпарат тілшісі.

Ұқсас жаңалықтар
Қырымбек Көшербаев: Қазақ әдебиетінің антологиясын алған елдерден 100-ге жуық алғыс хат келді Қазақ әдебиеті антологиялары 93 мемлекеттің ірі кітапханалары мен ғылыми орталықтарына таратылады Сапарбаев Мәдениет және спорт министрлігінің басшылығына бірқатар тапсырма берді

1845 жылы 11 қыркүйекте Ырғыз бекінісінің ашылған күні. Аталған өнер мерекесі де Ырғыздың туған күні қарсаңында тойланады. Ал дәстүрлі «Аймақты әнмен тербетіп» атты республикалық өнер мерекесі 1997 жылдан бері аймақтағы талантты жастардың басын қосып келеді. Дәстүрлі өнер фестиваліне қатысушыларды Ырғыз ауданы әкімінің орынбасары Ақалмас Тұртаев, Ақтөбе облыстық мәдениет, архивтер және құжаттама басқармасының басшысы Нұрхан Кәдірбаев қатысып, құттықтады.

«Өнер мерекесінде лебізін білдіргендер «Аймақты әнмен тербетіп…» өңір тұрғындарының сағына күтетін думаны және жыл сайын тамызда өтетін өңірдегі ірі мәдени жобалардың бірі деп атап өтті. Жаһандану үдерісіне Елбасы Н.Назарбаевтың «Болашаққа бағдар: рухани жаңғыру» атты бағдарламалық мақаласында айтылғандай «…өзіміздің ұлттық құндылықтарымыз арқылы ғана төтеп бере аламыз». Осы орайда, қазақ халқының дәстүрлі музыкасы, соның ішінде дәстүрлі ән өнерінің дамуына бағытталған осы байқаудың маңызы зор. Қасиетті Ырғыз жерінде ұйымдастырылған байқау – барлық өңірлерге ортақ өнер мерекесі. Себебі, бұған дейін аймақтық деңгейде өткізілген байқау 2018 жылдан бері республикалық деңгейге көтерілді. Өнер мерекесінің жастарға рухани тәрбие беруге, өңірлердегі өнерлі таланттарды шыңдауға үлкен ықпалы тиетіндігін жəне өнегесі мол шара», - деді Халық шығармашылығы үйінің баспасөз жетекшісі Гүлнәр Сейталина.

Биыл «Аймақты әнмен тербетіп» байқауы жиырма үшінші рет ұйымдастырылып отыр. Екі күнге созылған өнер мерекесіне Ақтөбе облысынан басқа Маңғыстау, Қызылорда, Атырау, Қостанайдан өнерпаздар келді. Олар дәстүрлі және эстрадалық ән номинациясы бойынша үздіктерін анықтады. Дәстүрлі ән аталымы бойынша қызылордалық Малика Алдамжарова, ал эстрадалық әнде Ақтөбе облысы, Қобда ауданынан келген Нұржан Әбжан жеңімаз атанды.


Біздің каналымызға жазылыңыз:

Бөлісіңіз:

Автор:

Алтынай Сағындықова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT