+7 (701) 759 90 19
USD 376.77 EUR 408.46
RUB 5.95 CNY 53.98
Jańalyqtar

Айқасқа дайынмын – Батыр Жүкембаев Канададағы айқасы алдында мәлімдеме жасады

2020 жылғы 24 қаңтар 10:31
Бөлісіңіз:
Айқасқа дайынмын – Батыр Жүкембаев Канададағы айқасы алдында мәлімдеме жасады

НҰР-СҰЛТАН. ҚазАқпарат – Осы аптада Канадада өзіне тиесілі WBA Continental Americas пен IBF Inter-Continental титулдарын қорғайтын Батыр Жүкембаев (17-0, 13КО) айқас алдындағы баспасөз мәслихатына қатысып, жанкүйерлерін жекпе-жекті тамашалауға шақырды, деп хабарлайды ҚазАқпарат тілшісі.

Ұқсас жаңалықтар
Батыр Жүкембаевтың қарсыласы аяқ астынан ауыстырылды Данияр Елеусінов пен Сұлтан Зәуірбек алғаш рет WBC рейтингіне енді

Айқас алдындағы баспасөз мәслихатында Батыр Жүкембаевтың қарсыласы – мексикалық Рикарда Ларамен көз арбасты.

«Ресейдегі Bupas Gym залында өз бапкеріммен өте жақсы жаттығу алаңынан өттім. Montreal Casino-дағы басты жекпе-жекке шығатынымына қуаныштымын. Айқасқа дайынмын. Бәріне рахмет», - деп келтіреді Батыр Жүкембаевтың сөзін «Қазақстан кәсіпқой боксы» федерациясы.

Сонымен бірге боксшы өзінің Instagram-парақшасында жанкүйерлері бұл кешке қызығушылық танытып отырғанын айтып өтті.

«Жекпе-жек алдындағы пресс-конференция сәтті өтті! Алла қаласа ертең салмақ өлшеу рәсімі! Бұл жекпе-жегіме Канадалық бокс жанкүйерлері мен БАҚ өкілдері үлкен қызығушылық білдіруде. Ал қазақстандық бокс сүйер қауым, 26 қаңтарда 8:30-да #Хабар арнасының тікелей эфирінен кезекті айқасымды тамашалай аласыздар», - деп жазды Батыр Жүкембаев.

Канадада өтетін аталмыш кешке барлық билеттер сатылып кеткенін бұған дейін хабарлаған едік. Әуелде Б.Жүкембаевтың IBF Latino чемпионы аргентиналық Максимилиано Рикардо Веронға (12-3-1, 4 КО) қарсы айқасатыны жарияланған болатын. Алайда оның қарсыласы аяқ астынан ауысып, ол «Рики» лақап атты мексикалық Рикардо Ларамен (22-7, 10KO) кездесетін болды.

Кездесуді «Хабар» арнасы тікелей эфирден 26 қаңтар күні таңертең көрсетеді.

Естеріңізге сала кетейік, Батыр Жүкембаев былтыр 26 қыркүйек күні Монреальда мексикалық Мигель Васкеске қарсы (41-9, 15 КО) өткізген соңғы жұдырықтасуында төрешілердің бірауызды шешімімен жеңіске жеткен болатын. Халықаралық бокс ұйымының (IBO) рейтингінде ол өз салмағында 11-ші орында тұр.


Біздің каналымызға жазылыңыз:

Басты сөздер: Спорт, Бокс,
Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT