USD 434.34 EUR 491.93
RUB 5.56 CNY 68.67
Jańalyqtar

Әйелін өлтіріп, балаға оқ атты: СҚО тұрғынына үкімі шықты

2021 жылғы 11 қазан 13:14
Бөлісіңіз:
Әйелін өлтіріп, балаға оқ атты: СҚО тұрғынына үкімі шықты

ПЕТРОПАВЛ. ҚазАқпарат – Солтүстік Қазақстан облысында әйелін өлтіріп, қызы мен 12 жасар жиеніне қастандық жасаған ер адамға қатысты сот үкімі шықты, деп хабарлайды ҚазАқпарат тілшісі.

Ұқсас жаңалықтар
Есірткі бизнесі: Трансұлттық қылмыстық топтың тағы бір мүшесі ұсталды Украиналық сарбаз қарудан оқ жаудырып, 5 адамды өлтірді, 5-еуі жарақаттанды Жамбыл облысында террористік қауіптіліктің «қызылғылт сары» деңгейі белгіленді

СҚО бойынша мамандандырылған ауданаралық қылмыстық сот әйелін атып өлтіріп, тағы екі адамды, оның ішінде 12 жастағы баланы өлтіруге оқталу фактісі бойынша 58 жастағы Юрий Глушковқа қатысты қылмыстық істі қарады.

Оқиға биыл 10 мамырда Тимирязев ауданында болған еді. Ерлі-зайыптының мерекелік отырысы жанжалмен аяқталып, әйел қызының үйіне кетіп қалады. Мас ер адам жұбайын үйіне қайтармақ болады, бірақ жанжал қайта өршіп, күйеуі мылтық пен пневматикалық тапаншаны пайдаланып, әйелін атып тастайды. Кейін қылмысты жасыру үшін жиенін және оның анасын өлтірмек болады.

Юрий Глушков әйелін басынан және кеудесінен атқан. Кейін 12 жасар жиеніне де оқ атап, қызына қастандық жасайды.

Сотта ер адам: «Мен оларды өлтіргім келген жоқ, тек қорқытпақ болдым», - дейді.

Сотталушының кінәсі жәбірленушінің, куәгерлердің айғақтарымен, оқиға болған жерді қарау хаттамасымен және сараптамалар қорытындысымен дәлелденді. Қылмыстардың жиынтығы бойынша прокурор ер адамды 25 жылға бас бостандығынан айыру жазасын тағайындауды сұрады. Зардап шегушілер оны қолдады.

Сотталушының қылмысты мас күйде және қаруды қолдана отырып жасауы – оның жазасын ауырлата түсті. Ал мүліктік зиянды өз еркімен өтеуі ер адамның жазасын жеңілдететін жағдай ретінде қаралды.

Сот қылмыстық құқық бұзушылықтардың жиынтығы бойынша ер адамға 23 жылға бас бостандығынан айыру жазасын тағайындады. Сотталушы жазасын қылмыстық-атқару жүйесінің ең жоғары қауіпсіздік мекемесінде өтейтін болады.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059

MURAǴAT