Әйелдер күресінен Азия чемпионатында ел намысын кімдер қорғайды

НҰР-СҰЛТАН. ҚазАқпарат - 4-7 шілде күндері елордада күрес түрлерінен кадеттер арасындағы Азия чемпионаты өтеді, деп хабарлайды ҚазАқпарат.

ҚР Ұлттық олимпиада комитеті хабарлағандай, турнирге құрлықтағы 19 мемлекеттен спортшылар қатыспақ. Бас қаламызда өтетін «Сарықұрлық» додасында ел намысын 10 салмақ санатында он балуан қызымыз қорғайды.

Атап айтар болсақ, 40 келі салмақта - Балжан Шәкір, 43 келі салмақта - Марал Тәңірбергенова, 46 келі салмақта - Лаура Ғаниқызы, 49 келіде - Зейнет Баянова қорғаса, 53 келі салмақта - Алтын Шағаева, 57 келіде -Татьяна Мальцева, 61 келі салмақта - Жібекжан Сабыржанова, 65 келіде - Анастасия Панасович, 69 келі салмақта - Ділназ Мулкинова және 73 келі салмақта - Аяжан Сәду қорғайды.