Әйел зорлағаны үшін 8 жыл бойы іздеуде болған Ресей азаматы Ақтөбеде ұсталды

АҚТӨБЕ. ҚазАқпарат - Ақтөбеде ауыр қылмыс жасағаны үшін іздеуде жүрген ер адам ұсталды, деп хабарлайды ҚазАқпарат полицияға сілтеме жасап.

30 қарашада облыстық ПД криминалдық полиция басқармасының қызметкерлері Ақтөбе облысы бойынша шекара қызметі департаментінің қызметкерлерімен бірлесіп, 8 жылдан астам уақыт қашып жүрген Ресей Федерациясының азаматын ұстады.

Орынбор облысының 35 жастағы тұрғыны Ақтөбе қаласындағы жиһаз цехтарының бірінен табылған.

Күдікті ҚР ҚК 120-бабы 2-бөлігі бойынша іздеуде жүрген.

Қазіргі уақытта ұсталған адам Ақтөбе қаласының уақытша ұстау изоляторына қамауға алынды.