Айбек Дәдебаев балабақша қызметкерлерімен кездесті
2022 жылғы 25 мамыр 21:14

Айбек Дәдебаев балабақша қызметкерлерімен кездесті

НҰР-СҰЛТАН. ҚазАқапарат - Президент іс басқармасының басшысы Айбек Дәдебаев «Қарлығаш» балабақшасы қызметкерлерімен кездесті, деп хабарлайды ҚазАқпарат.

«Бүгін түстен кейін Президент Іс Басқармасы Медициналық орталығының ведомстволық қарасты ұйымы – «Қарлығаш» балабақшасы қызметкерлерінің жұмысымен және еңбек жағдайымен таныстым. Балаларды оқытатын және дамытатын ойын, спорт, даму бөлмелерін аралап шықтым. Балалардың шығармашылық идеяларын жүзеге асыратын Реджио-ателье зертханасы ерекше екен. Одан кейін балабақша ұжымымен кездесу өтті. Педагогтарды әлеуметтік сипаттағы, жұмыс процестерін ұйымдастыру мәселелері толғандырады. Әрбір тақырып мұқият зерттеліп, тиісті жауап берілетін болады», - деп жазды Айбек Дәдебаев Телеграм каналында.

Ол Кәсіпорынның басты ресурстарының бірі – жоғары білікті мамандар екенін айтты. «Отандық мектепке дейінгі білім берудің сапасын арттыру мақсатында «Қарлығаш» балабақшасы өз тәжірибесімен еліміздегі өзге мектепке дейінгі мекемелермен бөлісуде», - деп толықтырды ол.


Серіктестер жаңалықтары

Jańalyqtar

Үрдіс

MURAǴAT