Аяз, бұрқасын: Алдағы үш күнгі ауа райы болжамы

НҰР-СҰЛТАН. ҚазАқпарат – «Қазгидромет» РМК 12-14 қаңтар аралығындағы ауа райы болжамын ұсынды, деп хабарлайды ҚазАқпарат.

«Аталған кезеңнің басында Атлант циклоны елдің басым бөлігіне жауын-шашын әкеледі: солтүстікте – жаяу бұрқасын, қар; батыс пен оңтүстікте – жаңбыр, қар болады.

Одан кейін елдің басым бөлігіне Салехард аудандарынан антициклон ығысады. Осыған байланысты, аталған кезеңнің соңына қарай күн ашылып, температура төмендейді деп күтілуде.

Алайда, республиканың кей жерлерінде тұман, екпінді жел, жаяу бұрқасын күтіледі. Оңтүстікте, оңтүстік-шығыста және батыста – көктайғақ, оңтүстік-батыста шаңды дауыл болжанады», - делінген синоптиктер ақпаратында.