USD 434.84 EUR 498.2
RUB 5.72 CNY 68.47
Jańalyqtar

Аяужан Әшімова: Президент халықты толғандырған мәселелерден хабардар екенін көрсетті

2022 жылғы 13 қаңтар 23:43
Бөлісіңіз:
Аяужан Әшімова: Президент халықты толғандырған мәселелерден хабардар екенін көрсетті

ӨСКЕМЕН. ҚазАқпарат – «Ұлағат» жастар қоғамдық бірлестігінің төрайымы Аяужан Әшімова ҚР Президенті Қасым-Жомарт Тоқаевтың Парламент Мәжілісінің отырысында жасаған мәлімдемесіне қатысты өз ойымен бөлісті, деп хабарлайды ҚазАқпарат тілшісі.

«Мемлекет басшысы ең негізгі деген барлық салаға тоқталып, ел тұрғындарын толғандырған мәселелерді түгел айтты. Оның ішінде утильдік алым, байлар мен кедейлер арасында үлкен алшақтық барын алғаш рет мәлімдеп, мұғалімдер мен жастарға қатысты сөз қозғады. Өзім жастар қоғамдық ұйымының жетекшісі болғандықтан маған Президенттің білім сапасын арттыруға қатысты қойған міндеттері ерекше әсер етті», - дейді Аяужан Әшімова.

Оның айтуынша, қазір мемлекет пен қазақстандықтардың алдында жастар саясатын жолға қойып, осы уақытқа дейін жіберілген олқылықтарды түзеп қана қоймай, келешекте мұның алдын алу үшін қолдан келгеннің бәрін жасау міндеті тұр.

«Жастарымыз білімді болса, өз жолын тауып, елге пайдасын тигізеді. Тарихты білсе, өткеннің қателігін жасамайды. Бірақ ең бастысы, өскелең ұрпақтың бойына рухани құндылықтарды сіңірсек, нағыз патриоттардың қалыптасатындығы анық. Қорыта айтқанда, Қасым-Жомарт Кемелұлы өз мәлімдемесінде халықты толғандырған мәселелерден хабардар екендігін көрсетті», – дейді «Ұлағат» жастар қоғамдық бірлестігінің төрайымы.



Біздің каналымызға жазылыңыз:

Бөлісіңіз:

Автор:

Талғатжан Мұхаметбекұлы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Үмбет Шолпан
Үмбет Шолпан
954-059
REDAKTOR
Жанат Қапалбаева
Жанат Қапалбаева
954-059

MURAǴAT