USD 434.24 EUR 492.69
RUB 5.67 CNY 68.46
Jańalyqtar

Аяғынан ұстап үлгерді: Қостанайлық студент терезеден құлаған баланы құтқарды

2020 жылғы 20 мамыр 22:26
Бөлісіңіз:
Аяғынан ұстап үлгерді: Қостанайлық студент терезеден құлаған баланы құтқарды

ҚОСТАНАЙ. ҚазАқпарат – Қостанай облысының Жітіқара қаласында студент жігіт көпқабатты үйдің терезесінен құлап кеткен сәбиді қағып алды. ҚазАқпарат бұл туралы облыстық Полиция департаментінің баспасөз қызметіне сілтеме жасап хабарлайды.

Оқиға жуырда Жітіқара қаласында болған. Полицияға қаланың 7-інші шағынауданындағы үйдің үшінші қабатынан сәбидің құлап кеткені туралы хабар түскен. Терезеден құлаған баланы қала тұрғыны Темірлан Әбдіғалиев құтқарып қалған.

«Сол күні Темірлан қарсы тұрған үйдің терезесінде шамамен үш жасар сәбидің тұрғанын көрген. Ол ойланбастан көмекке жүгірген. Сәлден соң сәби төмен қарай құлап кеткен. Абырой болғанда Темірлан оның аяғынан ұстап үлгерді», - дейді полицияның баспасөз қызметінің бас маманы Кенже Қонысбай.

Темірлан Әбдіғалиев бұл жағдайды ешқашан ұмытпайтынын айтты.

«Сәби құлағаннан кейін маған шошына қараған жанарын ешқашан ұмытпаспын... Ол асфальтқа құлағанда жағдайы қандай болатынын елестетудің өзі қорқынышты», - деп еске алды жас жігіт.

Аудандық полиция бөлімі Темірланның батыл әрекетін ескерусіз қалдырған жоқ. Жітіқара аудандық полиция бөлімінің бастығы Болат Иманов студент жігіттің анасы Анар Шакуроваға алғыс хат табыс етіп, ұлына белсенді азаматтық ұстанымы және адам өмірін құтқару кезінде көрсеткен ерлігі үшін алғыс білдірді.

Қазір Темірлан Ақтөбе қаласында. Ол медициналық колледждің үшінші курсында оқиды.


Біздің каналымызға жазылыңыз:

Бөлісіңіз:

Автор:

Қасқырбай Қойшыманов

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT