00:28, 16 Шілде 2018 | GMT +6
Аягөздік түлектер туған ауылына ойын алаңын салып берді
ӨСКЕМЕН. ҚазАқпарат - Туған жерге тағзым - қазақ халқының әлмисақтан жалғасқан салты. Осыны ескерген аягөздік түлектер 2 млн теңгеден астам қаражатты қалталарынан шығарып, ауылына ойын алаңын салып берді, деп хабарлайды ҚазАқпарат altaynews.kz-ке сілтеме жасап.
Шыңқожа батыр атындағы орта мектепті 2003 жылы аяқтаған түлектер шынымен сауапты іс бітірді. Игі іске мұрындық болған - мектеп түлегі Мадияр Слямжарұлы Бендебаев.
Кіндік қаның тамған топырақты қастерлеу - ұлттық санамыздағы қастерлі ұғым. Елбасы «Болашаққа бағдар: рухани жаңғыру» атты мақаласында «Патриотизм кіндік қаның тамған жеріңе, өскен ауылыңа, қалаң мен өңіріңе, яғни туған жеріңе деген сүйіспеншіліктен басталады» деген болатын.