USD 434.84 EUR 498.2
RUB 5.72 CNY 68.47
Jańalyqtar

Аягөздегі дауыл: Бұзылған ғимараттар бір аптаның ішінде қалпына келтірілмек

2020 жылғы 17 маусым 16:13
Бөлісіңіз:
Аягөздегі дауыл: Бұзылған ғимараттар бір аптаның ішінде қалпына келтірілмек

ӨСКЕМЕН. ҚазАқпарат – Шығыс Қазақстан облысының Аягөз қаласында қатты желдің салдарынан 19 көпқабатты және 72 жер үй, сондай-ақ 8 әкімшілік ғимарат зақымданған, деп хабарлайды ҚазАқпарат тілшісі.

Бүгінде Аягөз ауданында төтенше жағдай жарияланды. ШҚО әкімінің орынбасары Бақытжан Баяхметов бастаған арнайы комиссия сол жерге аттанған. Бұл жайлы аймақ басшысы Даниал Ахметов Instagram-дағы жеке парақшасында жазды.

«Кеше кешке Аягөз ауданында жылдамдығы секундына 28 метрге жеткен екпінді жел соқты. Ағаштардың құлауы салдарынан электр желілері үзілді. Салдарынан 3679 абонент электр жарығынсыз қалған. Қазіргі уақытта кезең-кезеңімен жарық қосылуда. ШҚ АЭК-ның 5 жедел бригадасы жақын арада қалған 700 абонент бойынша жұмысты аяқтауы тиіс», - деді әкім.

Оның айтуынша, оқиға орнында барлық коммуналдық және апаттық қызметтер жұмыс істеуде. Бұзылған ғимараттарды қалпына келтіру жұмыстары бір апта ішінде аяқталуы тиіс. Бұл орайда қажетті қаражат бөлінеді.

«Дауылдың салдарынан қалалық ауруханаға түрлі дәрежедегі жарақаттармен 7 адам жүгінген. Қазір жағдайлары тұрақты, стационарда бір науқас жатыр», - дейді Даниал Ахметов.

Естеріңізге сала кетсек, осыған дейін ШҚО-да құйынды дауыл соққанын хабарлаған болатынбыз.


Біздің каналымызға жазылыңыз:

Бөлісіңіз:

Автор:

Талғатжан Мұхаметбекұлы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059

MURAǴAT