Қолданушы баптаулары
Қолданушы баптаулары
+7 (701) 759 90 19 Лента
Астана: 24 °С
Алматы: 30 °С
USD 340.27 EUR 396.31
RUB 5.39 CNY 52.39
Жаңалықтар

Ауыр науқастанған шымкенттік қыз Астанада қайтыс болды

2018 жылғы 25 ақпан 13:32 1538
Бөлісіңіз:
Ауыр науқастанған шымкенттік қыз Астанада қайтыс болды

ШЫМКЕНТ. ҚазАқпарат - Ауыр дертпен бес жыл күрескен шымкенттік он жастағы Лаура Сағатова қайтыс болды, деп хабарлайды ҚазАқпарат тілшісі.

Ұқсас жаңалықтар
Таразда күйіп қалған баланың терісі алмастырылатын болды Маңғыстау облысында пойыз түйені қағып кетті

Қыздың анасы Айнагүл Елтаеваның айтуынша, Шымкенттегі қалалық балалар ауруханасының жансақтау бөлімінде жатқан қыз өткен күні комаға түскен. Кеше көзін ашқанмен тым әлсіз болған. Түс қайта Шымкентке Астанадан санавиация ұшағы жеткен.

«Кешке қарай бізді Астанадағы Ана мен бала орталығына алып кетті. Жеткен бойда қызымды жансақтау бөліміне жатқызды. Бүгін таңғы 8-де оның көз жұмғанын айтты. Дәрігерлердің айтуынша, артық мазаламай, Шымкентте қалдыра бергенде дұрыс болушы еді. Ұшақпен бекер ұштық», - дейді Айнагүл Елтаева.

Қазір мәйітті Шымкентке қайтару мәселесі қарастырылып жатыр.

Еске сала кетейік, қыз беске толғанда асқа зауқы болмай, арықтай бастаған, 10 жасында қыздың салмағы небәрі 11 кг еді. Оны емдеуге нақты диагноздың болмауы да кедергі жасаған. Кезінде ташкенттік дәрігерлер науқасқа тұқым қуалайтын митохондриальная энцефаломиопатия диагнозын қойғанымен, қазақстандық дәрігерлер оны растамаған.

Балалар омбудсмені Зағипа Балиева көмекке келген соң қыздың отбасында оны шетелде емдеу мүмкіндігі туды. Өкінішке қарай, қыздың анасы Оңтүстік Кореяға құжат жинай бастаған кезде Лаураның жағдайы күрт нашарлап, 21 ақпанда жансақтау бөліміне жатқызылған.

Фото: gorod55.ru


Бөлісіңіз:
Онлайн қызметкерлер
Редактор
Жанибек Амангелди
Жанибек Амангелди
954-059
Редактор
Айдар Оспаналиев
Айдар Оспаналиев
954-059
Мұрағат