+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Ауыр қылмыс жасап, іздеуде жүрген Ресей азаматы Қазақстаннан ұсталды

2020 жылғы 16 қазан 08:26
Бөлісіңіз:
Ауыр қылмыс жасап, іздеуде жүрген Ресей азаматы Қазақстаннан ұсталды

НҰР-СҰЛТАН. ҚазАқпарат - 12-14 қазан аралығында көліктегі полиция департаментінің қызметкерлері «Қаңғыбас» жедел-алдын алу іс-шарасын өткізді, деп хабарлайды ҚазАқпарат.

Ұқсас жаңалықтар
Алматыда әпкелі-сіңлілер пирамидалық чат құрған

Іс-шараның мақсаты - белгілі бір тұрғылықты мекенжайы, құжаттары жоқ және қаңғыбастықпен айналысатын адамдар арасындағы қылмыстардың алдын алуға және жолын кесуге, хабар-ошарсыз кеткен адамдардың орналасқан жерін анықтауға, сондай-ақ қылмыскерлерді іздеуге бағытталған. Бұл туралы көліктегі полиция департаментінің бастығы Оңал Бекеев айтты.

Оның айтуынша, көлік полицейлері жолаушы пойыздарында, вокзалдарда, парктер мен перрондарда тексеру жүргізді .

13 қазан күні департаменттің криминалдық полиция қызметкерлері аталған іс-шараны өткізу барысында Ақмола облысы Щучинск қаласының теміржол вокзалы ауданында Ресей Федерациясының 49 жастағы азаматын анықтап, ұстады.

Аталған азамат өткен жылдың қыркүйек айынан бері Ресей Федерациясы Қылмыстық кодексінің 159-бабы 3-бөлігі ( алаяқтық ) бойынша ауыр қылмыс жасағаны үшін іздеуде болған. Қазір оған қатысты «ешқайда кетпеу» туралы бұлтартпау шарасы қабылданды.

Сол күні Нұр-Сұлтан қаласында ұрлық жасаған 26 және 33 жастағы тағы екі азамат ұсталды.

О. Бекеев жедел алдын алу іс-шарасы аясында белгілі тұрғылықты жері жоқ 243 адамның дактилоскопиялық есепке қойылғанын айтты.

«Мұндай шаралар адамның қылмыс жасауға ықтимал қатыстылығын, адамның іздеуде жүргенін анықтауға мүмкіндік береді. Тұрғылықты жері жоқ адамдар арасында іздестіріліп жатқан 6 адам, оның ішінде ауыр қылмыс жасағаны үшін іздестірілген 3 қылмыскер ұсталды. Сондай-ақ, хабар-ошарсыз кеткен бір адам анықталды», - дейді полиция полковнигі.

Біздің каналымызға жазылыңыз:

Бөлісіңіз:

Автор:

Гүлзат Ақжолова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT