+7 (701) 759 90 19
USD 432.01 EUR 518.67
RUB 5.61 CNY 66.48
Jańalyqtar

«Ауылым – алтын тұғырым» шығармалар конкурсы басталды

2021 жылғы 2 наурыз 04:49
Бөлісіңіз:
«Ауылым – алтын тұғырым» шығармалар конкурсы басталды

НҰР-СҰЛТАН. ҚазАқпарат – «Ауыл» халықтық-демократиялық патриоттық партиясы мен «Мәдениет порталы» бірлесіп «Ауылым – алтын тұғырым» дәстүрлі әдеби онлайн конкурсын жариялайды, деп хабарлайды ҚазАқпарат.

Конкурсқа 17-45 жас аралығындағы қаламгерлер өз шығармаларын ұсына алады. Ал «Ауыл тақырыбына арналған үздік драматургия» аталымына шығарма ұсынатын қаламгерлердің жас мөлшеріне шектеу қойылмайды.

«Әдеби байқауға қатысқысы келетін кез келген қаламгер өз шығармасын «Мәдениет порталына» онлайн тіркеу мүмкіндігі қарастырылған. Ол үшін үміткерлер тіркеліп, конкурсқа ұсынылған шығармалары мен жеке мәліметін порталда көрсетілген «Шығарманы қосу» батырмасы арқылы орналастыра алады. Шығармалар онлайн түрде 2021 жылдың 1 қарашасына дейін жіберілуі тиіс», - деп хабарлады Мәдениет порталы.

Биылғы «Ауылым – алтын тұғырым» байқауының ерекшелігі – орыс тілінде жазылған шығармалар да қабылданады. Бір айта келерлігі, барлық шығармалар бұған дейін басқа конкурстарға ұсынылмауы керек.

«Тәуелсіздіктің 30 жылдығына орай «Алтын тұғыр» әдеби жүлдесінің иегеріне қосымша 200 000 теңге көлемінде ақшалай сыйлық беріледі. Конкурсқа қатысқан шығармалар кітап болып шығарылады. Конкурстың басқа да шарттарын «Мәдениет порталындағы» ережесінен оқуға болады.

Жеңімпаздарды марапаттау 2021 жылы желтоқсан айында Тәуелсіздік күні қарсаңында өтеді. Салтанатты шараның нақты уақыты мен өтетін орны қосымша хабарланады», - дейді портал.

Еске сала кетсек, биыл «Ауылым – алтын тұғырым» әдеби конкурсына «Балаларға арналған ең үздік әдеби шығарма» номинациясы қосылды.



Біздің каналымызға жазылыңыз:

Бөлісіңіз:

Автор:

Айжан Серікжанқызы

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT