Ауылдарда алдағы бес жылда 655 медициналық нысан, 183 мектеп салынады
Ашық НҚА порталында жарияланған ауылдық аумақтарды дамытудың 5 жылдық тұжырымдамасын іске асыру аясында күтілетін нәтижелер көрсетілген. Атап айтқанда, елді мекендердің әлемеуметтік-экономикалық ілгерілеуін қамтамасыз етуге бағытталған шаралардың нәтижесінде 3,5 мың ауылдың инфрақұрылымы жаңғыртылады.
«2027 жылдың қорытындысы бойынша ауылдық жерлерде 655 денсаулық сақтау нысаны, 183 мектеп және 100 спорт ғимараты пайдалануға беріледі. Осы аралықта 650 мәдениет нысаны салынып, жөнделеді. Даму әлеуеті бар 3,5 мың ауылдық елді мекеннің инфрақұрылымын жаңғырту жұмыстары жүреді. Елді мекендердегі өмір сүру ұзақтығын 73,5 жасқа жеткізу көзделеді. Бұл көрсеткіш 2021 жылы 70,8 жас болған», - делінген тұжырымдама жобасында.
Бұған дейін хабарлағанымыздай, тұжырымдамаға сай, Катонқарағай, Үлкен Нарын, Күршім, Марқакөлдің мәртебесін қалпына келтіру ісі қолға алынады.
Сонымен бірге шекара маңындағы климаты қатал ауыл тұрғындарының 1 жылдық еңбек өтілі 1,5 жыл болып есептелмек.