+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Ауыл тұрғынының ұрланған 25 қояны көршінің үйінен табылды - СҚО

2020 жылғы 3 желтоқсан 03:30
Бөлісіңіз:
Ауыл тұрғынының ұрланған 25 қояны көршінің үйінен табылды - СҚО

ПЕТРОПАВЛ. ҚазАқпарат – Солтүстік Қазақстан облысында көршісінің қорасына түсіп, 25 қоянды қолды еткен ауыл тұрғыны иісшіл иттің көмегімен ұсталды, деп хабарлайды ҚазАқпарат тілшісі.

Ұқсас жаңалықтар

СҚО полиция департаменті баспасөз қызметінің мәліметінше, Ғ. Мүсірепов атындағы ауданның полиция бөліміне 28 қараша күні 67 жастағы ауыл тұрғыны жүгінген. Ол таңғы сағат 6.00 шамасында қорасындағы 25 қоянды орнынан таппаған.

Оқиға орнына учаскелік полиция инспекторы мен жедел-тергеу тобы келді. Олар үй қояндарының ұрланғанына көз жеткізгеннен кейін ұрыны анықтау үшін инспектор-кинолог Өмірсерік Бірімнің көмегімен Арамис атты итті қолданды.

Неміс овчаркасы полицейлерді 22 жастағы жігіт тұратын көрші үйге алып келді. Тәртіп сақшылары оның қорасынан ұрланған жануарларды тапты.

Аталған факті «Ұрлық» бабы бойынша тіркелді.

Күдіктіге қатысты келу туралы міндеттеме түріндегі мәжбүрлеу шарасы қабылданды. Ұрланған қояндар иесіне қайтарылды.

«Ұрлықтан келген жалпы шығын мөлшері - 75 мың теңге. Бұл –зейнеткер үшін айтарлықтай қаражат. Тұрғындарға айтарымыз: ұрыларға жем болмау үшін қора-қопсына мықты тиек пайдаланғаны жөн. Ал ұрлық жасалған жағдайда дереу полицияға хабарлау қажет. Бұл қылмысты «ізін суытпай» ашуға мүмкіндік береді», - дейді аудандық полиция бөлімінің бастығы Марат Әлжанов.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT