Ауыл тұрғындарының денсаулығын зерттеп-қарау тізбесі кеңейді
«Коронавирустық пандемия жылдарында елде жүргізілген шектеу шараларына байланысты ауыл мен қала халқының арасында медициналық көмек көрсетуде алшақтық анықталды. Бүгінде ауылдарда халықты ерте диагностикалау және консультациялық-диагностикалық қызметтердің қолжетімсіздігі байқалады. Осыған байланысты, биыл ауыл тұрғындары үшін профилактикалық қарап-тексерулер енгізілді», - деді ол.
Министрдің атап өтуінше, бұрын скринингтерде тек жүрек-қан тамырлары аурулары, глаукома, қант диабеті, онкологиялық аурулар, мінез-құлықтық қауіп факторлары сияқты бес нозология анықталатын. Ал биыл ауыл тұрғындары денсаулығының талдауын ескере отырып, зерттеп-қарау тізбесі кеңейді. Асқазан-ішек жолдарының, несеп шығару жүйесінің, егде жас тобындағы адамдардың тыныс алу ағзаларының ауруларын және қуық асты безінің обырын ерте анықтау бойынша профилактикалық қарап-тексерулер іске асырылып жатыр.
«Туғаннан бастап 18 жасқа дейін - «Балалар», 18 жастан бастап 29 жасқа дейін - «Жастар», 30 жастан бастап 44 жасқа дейін - «Еңбек-1», 45 жастан бастап 65 жасқа дейін - «Еңбек-2» және 66 жастан асқандар «Зейнеткер» сияқты санаттар бойынша нысаналы топтар анықталды. Бүгінгі таңда зерттелген 44 мың ауыл тұрғынының 11 мыңнан астамынан жоғары қан қысымы, қант диабеті, бүйрек патологиясының белгілері анықталды», - деді Ажар Ғиният.