+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

«Ауыл» партиясының жалпыұлттық сауалнамасы: Халықты қандай мәселелер толғандырады

2020 жылғы 25 қыркүйек 14:16
Бөлісіңіз:
«Ауыл» партиясының жалпыұлттық сауалнамасы: Халықты қандай мәселелер толғандырады

НҰР-СҰЛТАН. ҚазАқпарат – «Ауыл» Халықтық демократиялық патриоттық партиясы халықты толғандырып жүрген мәселелер бойынша «Ел Аманаты» жалпыұлттық сауалнамасын бастады, деп хабарлайды ҚазАқпарат тілшісі.

Ұқсас жаңалықтар

Сауалнама 23 қыркүйекте басталды және оған республика азаматтары онлайн және дәстүрлі түрде жауап бере алады. Екі күнде екі мыңнан астам респондент электрондық сауалнамаға қатысып, «Ауыл» партиясына аманаттарын жолдаған.

Нұр-Сұлтан қаласындағы партияның Жастар қанаты «Ел Аманаты» сауалнамасының өткізу бойынша алғашқылардың бірі болып іске кірісті.

«Сауалнама бір ай бойы жүргізіледі. Мұнда халықтың көкейінде жүрген сұрақтар қамтылған және өз ұсыныстарын жазу мүмкіндігі берілген. Электронды форматта сауалнамаға әлеуметтік желілер арқылы қатысып, кез келген мессенджер арқылы сілтемесін ашуға болады.Ал дәстүрлі форматта волонтерларды біріктіріп, әр аймақтарға, облыс-аудандарға бөлу арқылы сауалнама жүргізіп келеміз. Халық көтеріп отырған негізгі сұрақтар да бар, мәселен елордада үй мәселесі, көпбалалы аналар жағдайы, оқу бітірген соң, жұмыссыз қалған жастар, несиенің пайызын төмендету тақырыптары көтеріліп отыр. Ыңғайлы, қолжетімді формат, түсінікті мазмұн респонденттердің көп уақытын алмайды. Сондықтан қоғам мәселелеріне бей-жай қарамайтын саналы азаматтарды сауалнамаға қатысуға шақырамыз.Біз үшін қатысушылардың әрбір аманаты маңызды», - деді «Ауыл» ХДПП еріктісі, студент Руслан Сейітхан С.Сейфуллин атындағы ҚазАТУ-да «Ел Аманаты» сауалнамасы бойынша Жастар қанаты ұйымдастыру алқасының жиынында.

Жастар қанаты өкілдерінің айтуынша партияның халықтың көкейінде жүрген әлеуметтік және экономикалық мәселелерге баса назар аударуы аса маңызды.

Сонымен бірге, жас ауылдықтар сауалнаманың заманауи цифрлық технологиялар бойынша өткізілуі қатысушылар ауқымын мейлінше кеңейтетінін атап өтті.

Сауалнама қорытындысы бойынша қордаланған мәселелер қоғам елегінен өтіп, партияның бағдарламасына енгізіледі.


Біздің каналымызға жазылыңыз:

Бөлісіңіз:

Автор:

Айжан Серікжанқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанат Қапалбаева
Жанат Қапалбаева
954-059

MURAǴAT