+7 (701) 759 90 19
USD 425.59 EUR 505.43
RUB 5.61 CNY 64.83
Jańalyqtar

«Ауыл» партиясы Үкіметте отбасылық құндылықтар тұжырымдамасын таныстырады

2020 жылғы 19 қазан 17:09
Бөлісіңіз:
«Ауыл» партиясы Үкіметте отбасылық құндылықтар тұжырымдамасын таныстырады

НҰР-СҰЛТАН. ҚазАқпарат – «Ауыл» халықтық-демократиялық патриоттық партиясы халықты әлеуметтік қорғау мәселесіне қатысты ауқымды талқылауды бастады, деп хабарлайды ҚазАқпарат тілшісі.

Ұқсас жаңалықтар
Мал шаруашылығы ауыл маңынан алыстар емес - «Ауыл» партиясы

«Ауыл» партиясы әлеуметтік саладағы маңызды мәселелерді жиі көтеріп жүр. Көпшілік қадамдардың іске асуына себепші болудамыз. Сондықтан бүгін тағы бір маңызды тақырыпты талқылау үшін жиналып отырмыз. Партияның бастамасымен жақында ғана Түркістан қаласына барып, ұлттық құндылықтарымызды дамыту жөнінде жаңа тұжырымдаманы ұсындық. Біз ұлттық құндылықтар туралы көп айтамыз, бірақ осы құндылықтардың көптеген маңызды мәселелері шетте қалып кетеді. Соның бірі – ол отбасылық құндылықтар. Жақында оны сарапшылармен талқылап, Үкіметке ұсынамыз деген жоспар бар», - деді Сенат депутаты, «Ауыл» партиясының төрағасы Әли Бектаев «Ана мен баланы әлеуметтік қолдау: заманауи талаптар мен жаңа тәсілдер» атты дөңгелек үстел отырысында.

Сонымен қатар ол әлеуметтік саладағы құжаттарға тоқталды.

«Тікелей адамның денсаулығына, тұрмыс-тіршілігіне байланысты бағыт – ол әлеуметтік қорғау мәселелері. Әлеуметтік қорғау – тұрмысы төмен, мүмкіндігі шектеулі жандарға, көпбалалы аналарға көрсетілетін жәрдем. Соның барлығы мемлекетімізде қаншалықты дұрыс ұйымдастырылып жатыр? Мемлекет тарапынан қомақты қаражат бөлініп жатыр, яғни әлеуметтік саланың үлесі басым. Осы жиын алдында тиісті талдау жасадық. Бізде әлеуметтік қорғау мәселелері бойынша 14 заң бар екен. Оның бәрін бір ғана заңмен реттеуге болады. Аналарға берілетін жәрдемақы бөлек, мүмкіндігі шектеулі адамдарға жеке, ардагерлерге берілетін жәрдемақы басқа заңмен қамтылған. Аталған заңдарға тиісті нормативтік құжаттар бар. Оның барлығын қарап шықсақ, жоғары білімі бар адамдардың өзі де анық-қанығына жетуі қиын», - деді сенатор.


«Осы мәселелердің барлығын іріктейтін жаңа саясат керек деген оймен «Ауыл» партиясы бұл бағытқа мән беріп отыр. Біз «Ел аманаты» деген жалпыұлттық сауалнаманы бастадық. Оған әлеуметтік қорғау, ана мен бала мәселесін қостық. Ондағы мақсатымыз – елдегі проблемаларды шығарып, халықтың ой-пікірін біліп, осы бағытта жұмыс істеу», - деді Әли Бектаев.

Белгілі болғандай, еліміздегі әлеуметтік саясат, ауыл шаруашылығын дамыту бойынша да партиялық тұжырымдаманы қабылдау жоспарлануда. Дөңгелек үстел отырысына қатысушылар мемлекеттік органдарға баланы туғаннан бастап 18 жасқа толғанға дейін әлеуметтік қолдаудың бірыңғай стандартын анықтауды ұсынды.




Біздің каналымызға жазылыңыз:

Бөлісіңіз:

Автор:

Руслан Ғаббасов

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT