+7 (701) 759 90 19 Лента
USD 386.70 EUR 427.15
RUB 6.06 CNY 54.57
Jańalyqtar

«Ауыл» партиясы сайлауалды бағдарламасын баспасөзде жариялайды

2019 жылғы 11 мамыр 20:00
Бөлісіңіз:
«Ауыл» партиясы сайлауалды бағдарламасын баспасөзде жариялайды

НҰР-СҰЛТАН. ҚазАқпарат - «Ауыл» халықтық-демократиялық патриоттық партиясы сайлауалды бағдарламасын бұқаралық ақпарат құралдары арқылы жариялайды, деп хабарлайды ҚазАқпарат тілшісі.

«Біз сайлауалды бағдарламамызды алдымен республикалық газеттерде жариялаймыз. Одан кейін, бұқаралық ақпарат құралдары ішінде телеарнаға кандидатымыз өзінің сайлауалды бағдарламасымен ертең шығатын болады. Біздің ойымызша, осы сайлауалды үгіт-насихат басталғаннан кейін шамамен он күннің ішінде бұқаралық ақпарат құралдары арқылы халыққа жариялаймыз. Бірақ бүгінгі таңда сайлауалды бағдарлама брошюра үлгісінде дайын. Ертең өзіміздің сайтымызда да негізгі бағыттары жарияланатын болады», - деді Ә.Бектаев бүгінгі баспасөз мәслихатында.

Оның айтуынша, бүгіннен бастап өз жұмысын бастаған республикалық және аймақтық штабтар сайлауалды үгіт-насихат аясында 100-ден астам шараны ұйымдастырады. Соның ішінде саналуан кездесулер мен мәдени-спорттық шаралар бар. Негізгі мақсат - кандидаттың сайлауалды бағдаламасын халыққа жеткізу.

«Әрине, бұндай кездесулерді әрбір ауылда, әрбір елді мекенде өткізу мүмкін емес шығар. Ол үшін сайлаушылардан алдын ала кешірім сұраймыз. Бірақ республикалық бұқаралық ақпарат құралдары арқылы, соның ішінде теледидар арқылы, газет пен радио арқылы кандидатымыздың сайлауалды бағдарламасын, негізгі жұмысымызды және мақсат-міндетімізді жеткіземіз», - деп атап көрсетті Ә.Бектаев.

Айта кетейік, бүгін «Ауыл» партиясының атынан ҚР Президенттігіне кандидат Төлеутай Рақымбековтың республикалық қоғамдық штабы өз жұмысын бастады. Бұдан бөлек, аймақтық штабтар да жасақталды.

Біздің каналымызға жазылыңыз:

Бөлісіңіз:

Автор:

Арман Асқаров

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT