+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

«Ауыл – ел бесігі»: депутаттар Қостанайда көшпелі отырыс өткізді

2019 жылғы 3 қазан 20:57
Бөлісіңіз:
«Ауыл – ел бесігі»: депутаттар Қостанайда көшпелі отырыс өткізді

ҚОСТАНАЙ. ҚазАқпарат – Қостанайда «Nur Otan» партиясы депутаттық фракциясының көшпелі отырысы өтті, деп хабарлайды ҚазАқпарат.

«Nur Otan» партиясы облыстық депутаттық фракциясының жетекшісі Екатерина Смышляева, мәслихат депутаттары Самат Ақышев, Ескендір Қайыбжанов, Татьяна Булгацевич Федоров ауданындағы мемлекеттік бағдарламалардың іске асырылу барысын қадағалап қайтты.

Халық қалаулылары алдымен «Qutty meken» партиялық жобасы шеңберінде Федоров ауданындағы үш қабатты үйдің құрылысын тексерді. Аталмыш нысан қараша айының соңында тапсырылады деп жоспарланған. Пәтер кілті әлеуметтік осал топтардың өкілдеріне тапсырылады.



«Бұл үй 24 пәтерлі болады. «Нұрлы жер» бағдарламасы бойынша салынады. Құрылысқа 167 млн теңгеден астам қаржы бөлінді. Қаржының 20,7 млн теңгесі жергілікті әкімдіктен алынды», - дейді құрылысшылар.

Федоров ауданында «Ауыл – ел бесігі» партиялық жобасы аясында аурухана толық қалыпқа келтіріледі. Бұған қоса 5 шақырымнан астам ауылішілік жол жөнделген. Су мәселесі де біртіндеп өз шешімін табуда.

Депутаттар Димитров атындағы №1 орта мектебінің жетістіктерімен танысып қайтты. Жаз мезгілінде білім ошағында жөндеу жұмыстары жүргізілді. Заманауи робот техникасы кабинеті ашылып, электронды кітапхана мен жаңа кабинеттер пайда болды.

«1 шілдеден бастап балаларды бірінші сыныпқа қабылдауға тіркеу үрдісі автоматтандырылған жүйеге көшті. Бұл уақытты үнемдеп, құжат айналымын қысқартты. Электрондық түрде көрсетілетін қызмет түрлерінің саны 5 есе артты. Ағымдағы жылдың 8 айында 79 мыңнан астам қызмет көрсетілді»,- дейді аудан әкімдігі аппараты мемлекеттік қызмет көрсету бөлімінің жетекшісі Ольга Сложеникина.

Партиялық бақылау комиссиясының жұмысында білім беру мекемелеріндегі жемқорлық мәселесі талқыланды. Аудан мектептерінде сыбайлас жемқорлыққа қарсы мәдениетті қалыптастыруға бағытталған сынып сағаттары ұйымдастырылған.

Көшпелі отырыстың соңында қоғамдық қабылдау өткізілді. Жергілікті жұртшылық денсаулық сақтау, ТҚШ, мәдениет және өзге де сұрақтар бойынша жүгінді. Аудандағы мемлекеттік бағдарламалардың іске асырылу барысын бағамдап қайтқан халық қалаулылары оң бағасын берді.



Біздің каналымызға жазылыңыз:

Бөлісіңіз:

Автор:

Қасқырбай Қойшыманов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT