+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

«Ауыл – ел бесігі» бағдарламасы: Атырау облысында 22 жоба іске асырылып жатыр

2021 жылғы 29 қазан 02:15
Бөлісіңіз:
«Ауыл – ел бесігі» бағдарламасы: Атырау облысында 22 жоба іске асырылып жатыр

АТЫРАУ. ҚазАқпарат – Денсаулық сақтау министрі Алексей Цой жұмыс сапарымен Атырау облысына «Ауыл – ел бесігі» бағдарламасының жүзеге асырылу барысымен танысу үшін келді, деп хабарлайды ҚазАқпарат.

Ұқсас жаңалықтар
Атырау облысында 224 адам ревакцинациядан өтті Атырау облысында коронавирус жұқтырғандар саны күрт төмендеді Атырау студенттері мұнай өнімдерінің қалдығынан түрлі киім тікті

Атырау облысы әкімінің орынбасары Қайрат Бекеновтің айтуынша, биыл аталған бағдарлама іске асыру үшін 66 мың адам тұратын 16 ауылдық елді мекен таңдалған. Қазір бұл елді мекендерде 22 жоба іске асырылып жатыр. Оған республикалық бюджеттен 3,9 миллиард теңге бөлінген.

«Атырау облысында 153 ауылдық елді мекенде 300 мың адам тұрады. Бұл – облыс тұрғындарының жалпы санының 45%-ы. «Ауыл – ел бесігі» жобасын іске асыру шеңберінде ауылдық елді мекендердің әлеуметтік-экономикалық даму көрсеткіштерін есептеудің жаңа әдістемесі мен моделіне сәйкес облыста 40 тірек, 38 спутниктік, 15 стратегиялық елді мекен бар. Бұдан басқа 60 ауылдық елді мекен іріктелді. Қазір 5 ауылдық елді мекенде 5 жоба бойынша жұмыстар аяқталды. Атап айтқанда, 4 ауылда кіреберіс және кентішілік жол жарықтандырылды. Қызылқоға ауданының орталығы – Миялы ауылындағы спорт кешеніне күрделі жөндеу жүргізілді» - дейді Қайрат Бекенов.

Денсаулық сақтау министрі Алексей Цой Исатай, Махамбет және Индер ауданындағы әлеуметтік нысандарын аралады.

«Ауылдық жерлерді дамыту жөніндегі «Ауыл – ел бесігі» бағдарламасы аясында бүгін Атырау облысында инфрақұрылымдық нысандар, мектептер, дене шынықтыру-сауықтыру кешендері, ауруханалар, дәрігерлік амбулаториялар құрылысымен таныстық. Бұл нысандардың қалай жұмыс істейтінін көрдік. Ауылда медициналық көмек пен білімнің қолжетімділігі жоғары, жақсы деңгейде екеніне көз жеткіздік. Атырау облысында «Ауыл – ел бесігі» бағдарламасын жүзеге асыру қарқынды жүріп жатқанын көрдім. Бұл бағдарламаның әр нысаны Үкіметтің ерекше бақылауында тұр» - деді Алексей Цой.

Еске сала кетелік, бұдан бұрын Атырау облысында орман қорын молайтудың кешенді жоспары бекітілгенін хабарлаған едік.


Біздің каналымызға жазылыңыз:

Бөлісіңіз:

Автор:

Бек Мұстафа

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059

MURAǴAT