Қолданушы баптаулары
Қолданушы баптаулары
+7 (701) 759 90 19 Лента
USD 366.43 EUR 420.11
RUB 5.58 CNY 52.87
Жаңалықтар

Ауыл әкімдерін халықтың сайлау мүмкіндігі: Сенат заң жобасын кері қайтарды

2018 жылғы 14 маусым 12:42 1441
Бөлісіңіз:
Ауыл әкімдерін халықтың сайлау мүмкіндігі: Сенат заң жобасын кері қайтарды

АСТАНА. ҚазАқпарат - Парламент Сенатының жалпы отырысында «Қазақстан Республикасының кейбір конституциялық заңдарына өзгерістер мен толықтырулар енгізу туралы» Конституциялық заңының жобасы қаралды, деп хабарлайды ҚазАқпарат тілшісі.

Заң жобасын талқылау барысында өзгерістер енгізу қажеттігі туындады. Яғни салыстырмалы кестені қарастыру кезінде ауыл әкімдерін төте сайлауды енгізуге қатысты норманы алып тастауға қолдау жасалды.

Атап айтқанда, осыған дейін заң жобасында ауылдық деңгейдегі әкімдерді тікелей сайлау ескерілген болатын. Осы орайда әкім жергілікті тұрғындармен жалпыға бірдей тең төте сайлау құқығы негізінде жасырын дауыс беру арқылы төрт жыл мерзімге сайланатыны қарастырылған еді.

Сенаттың жалпы отырысында баяндама жасаған депутат Владимир Волков түзетулер лауазымға сайлаудың және лауазымнан босатудың қолданыстағы тәртібін сақтау қажеттігіне байланысты енгізілгенін атап өтті.

Талқылаудан кейін сенаторлар заң жобасын енгізілген түзетулермен Мәжіліс қарауына бағыттау шешімін қабылдады.

Сонымен қатар, бүгін заңнамалық актілерге сайлау мәселелері бойынша өзгерістер енгізу туралы ілеспе заң жобасы екі оқылымда қаралды. Талқылау барысында енгізілген түзетулерге қатысты сенаторлар бұл құжатты да Мәжіліске бағыттады.

 

 

Біздің каналымызға жазылыңыз:

Басты сөздер: Заң, Сайлау, Қоғам, Парламент,
Бөлісіңіз:

Автор:

Руслан Ғаббасов

Загрузка...
Сондай-ақ... оқыңыз
Загрузка...
Онлайн қызметкерлер
Редактор
Айдар Оспаналиев
Айдар Оспаналиев
954-059
Мұрағат