Қолданушы баптаулары
Қолданушы баптаулары
+7 (701) 759 90 19 Лента
USD 367.06 EUR 416.17
RUB 5.56 CNY 52.84
Jańalyqtar

Ауыл әкімдері жасырын дауыс беру арқылы сайлануы мүмкін

2018 жылғы 16 мамыр 17:59 1194
Бөлісіңіз:
Ауыл әкімдері жасырын дауыс беру арқылы сайлануы мүмкін

АСТАНА. ҚазАқпарат - Елімізде алдағы уақытта ауыл әкімдері халықтың жасырын дауыс беруі арқылы сайлануы мүмкін. Бұл жайлы Мәжілісте сайлау туралы заң жобасы талқыланған "дөңгелек үстелде" Ұлттық экономика вице-министрі Айбатыр Жұмағұлов айтты, деп хабарлайды ҚазАқпарат тілшісі.

Ұқсас жаңалықтар
Кандидатты 10 теңге айырмашылыққа бола тіркемеу әділетсіздік - Жақып Асанов Берік Имашев сайлау жүйесіндегі негізгі өзгерістерді атады

Айта кетсек, Бүгін Парламент Мәжілісінде өткен дөңгелек үстелде сайлау туралы заң жобасы талқыланды. Нақтырақ айтқанда,  жиында «Қазақстан Республикасындағы сайлау туралы» Конституциялық заңына өзгерістер мен толықтырулар енгізу туралы» Конституциялық заң жобасы және «Қазақстан Республикасының кейбір заңнамалық актілеріне сайлау мәселелері бойынша өзгерістер мен толықтырулар енгізу туралы» Заң жобасы қаралды.

Заң жобасын таныстырған Ұлттық экономика вице-министрі Айбатыр Жұмағұлов ұсынылып отырған өзгерістер негізінде ауыл әкімдерін сайлаудың тың форматы енгізілгелі жатқанын айтты.

«Ауылдық округтердің әкімдерін сайлау бойынша қазіргі жүйеде бірқатар мәселе бар. Ең біріншіден, үміткерлерді таңдаудағы талқылаудың болмауы, халықтың сайлауға ықпал ете алмауы. Екіншіден, ауыл әкімдері жиі ауысып жатады. Басым жағдайда 4 жылға сайланған әкім аталған мерзім аяқталғаннан кейін басқа лауазымға тағайындалып кетеді. Яғни, ол тағы 4 жыл ауылды басқаратындай жігерлендіру тетіктері жоқ. Кадрға байланысты бұл мәселені Мәжілістің де, Сенаттың да қабырғасында көтерген болатынбыз», - деді вице-министр.

Ауылды басқаруды ынталандыру тетіктерін қалыптастыру үшін заң шеңберінде сайлау құқығы қағидаттары бойынша тікелей сайлау жүргізу ұсынылуда.

«Үміткерлерді әкімшілік-аумақтық бірліктегі халықтың жасырын дауыс беруі арқылы сайлайтын болады. Ауыл әкімінің лауазымының танымалдығын арттыру мақсатында заң жобасы бойынша, 4 жыл әкім болғаннан кейін ауыл әкіміне іріктеу немесе конкурс жүргізбей-ақ «Б» корпусындағы әкімшілік лауазымға тағайындала алатындай мүмкіндік беру көзделген. Айта кетерлігі, ауыл әкімдерін тікелей сайлау институты Германия, Швейцария, Канада, Польша секілді елдерде өзінің тиімділігін көрсетіп отырғанын атап өткім келеді», - деді Айбатыр Жұмағұлов.

фото: thumbs.vol.at

 

 

Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанат Қапалбаева
Жанат Қапалбаева
954-059
MURAǴAT